మాటల మెషిన్ గన్ సుమ కనకాల బుల్లితెరపై బాగా పాపులర్. అలాగే సినిమా ఆడియో రిలీజ్ వేడుకల్లో గలగలా మాట్లాడి కార్యక్రమాన్ని సక్సస్ చేస్తుంటారు. తొలిసారిగా ఆమె పాట పాడారు. అది కూడా తోటి యాంకర్ అనసూయ స్టెప్పులేసిన పాటకు కావడం విశేషం. గోపీచంద్ మలినేని దర్శకత్వంలో మెగాహీరో సాయిధరమ్ తేజ్ నటించిన మూవీ ‘విన్నర్’. ఇందులో హీరోయిన్ గా ఫిట్ బ్యూటీ రకుల్ ప్రీత్ సింగ్ నటించింది. నల్లమలుపు శ్రీనివాస్, ఠాగూర్ మధు నిర్మించిన ఈ చిత్రానికి తమన్ సంగీతాన్ని అందించారు. ఈ ఆల్బంలోని ఒక్కో పాటను ఒక్కో స్టార్ విడుదల చేస్తున్నారు.
“సితార ” అనే మొదటి పాటను సూపర్ స్టార్ మహేష్ బాబు,రెండో పాటను సమంత విడుదల చేశారు. తాజాగా ‘సుయ సుయ’ అంటూ మూడో పాటను సంగీత దర్శకుడు అనిరుధ్ విడుదల చేయనున్నారు. ఈ సాంగ్ లో అనసూయ డ్యాన్స్ చేసారని సంగతిని ఎప్పుడో ప్రకటించిన చిత్ర బృందం తాజాగా యాంకర్ సుమ పాడిన విషయాన్నీ వెల్లడించి ఆసక్తిని రేకెత్తించింది. ఈరోజు సాయంత్రం 7 విడుదల కానున్న “సుయ సుయ” పాటకోసం అందరూ ఎదురుచూస్తున్నారు.
Also, do SUBSCRIBE to our YouTube channel to get latest Tollywood updates.
