యంగ్ మ్యూజిక్ డైరెక్టర్ కి క్రేజీ ఛాన్స్!

February 22, 2021 / 05:13 PM IST

కోలీవుడ్ లో స్టార్ మ్యూజిక్ డైరెక్టర్ గా గుర్తింపు తెచ్చుకున్నాడు అనిరుధ్ రవిచందర్. దాదాపు అక్కడ అగ్ర హీరోలందరి చిత్రాలకు అనిరుధ్ నే మ్యూజిక్ డైరెక్టర్ గా తీసుకుంటారు. కొంతకాలం వరకు కోలీవుడ్ కి మాత్రమే పరిమితమైన అనిరుధ్ ఇప్పుడు మిగిలిన భాషా చిత్రాలకు కూడా పని చేస్తున్నారు. తెలుగులో ‘అజ్ఞాతవాసి’, ‘జెర్సీ’, ‘గ్యాంగ్ లీడర్’ వంటి చిత్రాలకు పని చేశారు. ఇవన్నీ కూడా మ్యూజికల్ గా హిట్ అయ్యాయి.

దీంతో అతడికి తెలుగులో అవకాశాలు పెరిగాయి. ఇప్పుడు మరో క్రేజీ ప్రాజెక్ట్ కి అనిరుధ్ మ్యూజిక్ అందించబోతున్నారు. సౌత్ ఇండియన్ స్టార్ డైరెక్టర్ శంకర్, టాలీవుడ్ స్టార్ హీరో రామ్ చరణ్ కాంబినేషన్ లో సినిమా రాబోతున్న సంగతి తెలిసిందే. రీసెంట్ గా ఈ సినిమాను అనౌన్స్ చేసింది చిత్రబృందం. ప్రస్తుతం ‘ఆర్ఆర్ఆర్’ సినిమాను పూర్తి చేస్తోన్న రామ్ చరణ్ త్వరలోనే శంకర్ సినిమా సెట్స్ పైకి వెళ్లనున్నాడు.

ఈ సినిమాకి మ్యూజిక్ డైరెక్టర్ గా అనిరుధ్ ని ఎంపిక చేసుకున్నాడట దర్శకుడు శంకర్. ‘ఇండియన్ 2’ సినిమా సమయంలో అనిరుధ్ పనితనం శంకర్ కి నచ్చడంతో తన తదుపరి సినిమాకి కూడా అతడినే తీసుకోవాలని నిర్ణయించుకున్నాడు. త్వరలోనే దీనికి సంబంధించిన అధికార ప్రకటన రానుంది. పాన్ ఇండియా సినిమాగా తెరకెక్కించనున్న ఈ ప్రాజెక్ట్ ని దిల్ రాజు నిర్మిస్తున్నారు.

.@shankarshanmugh to team up with @anirudhofficial , the current numero uno music composer in the South for @AlwaysRamCharan film

MORE: https://t.co/OvwIl6iPAW pic.twitter.com/km0vREccRZ

— sridevi sreedhar (@sridevisreedhar) February 22, 2021