మెగా ఫ్యామిలీ నుండీ ఇప్పటికే 8 మంది వరకూ హీరోలు ఉన్నారు. మెగా స్టార్ చిరంజీవి, పవన్ కళ్యాణ్, రాంచరణ్, అల్లు అర్జున్, వరుణ్ తేజ్, సాయి తేజ్, అల్లు శిరీష్, కళ్యాణ్ దేవ్ వంటి వారు సినిమాలు చేస్తూ వస్తున్నారు. త్వరలోనే సాయి తేజ్ తమ్ముడు వైష్ణవ్ తేజ్ కూడా ఎంట్రీ ఇవ్వడానికి రెడీ అవుతున్నాడు. ఇక నిహారిక కూడా హీరోయిన్ గా ఎంట్రీ ఇచ్చింది. కానీ ఆశించిన స్థాయిలో రాణించకపోవడంతో వెబ్ సిరీస్ లు చేసుకుంటూ కాలం గడుపుతుంది. ఇక ఇప్పుడు మరో మెగా డాటర్ ఎంట్రీ ఇవ్వబోతుందట.
అవును మెగాస్టార్ చిరంజీవి పెద్ద కుమార్తె అయిన సుష్మిత త్వరలోనే నిర్మాతగా ఎంట్రీ ఇవ్వబోతుందని సమాచారం. ఇప్పటికే ఈమె కాస్ట్యూమ్ డిజైనర్ గా మంచి పేరు తెచ్చుకుంది. ‘ఖైదీ నెంబర్ 150’ ‘సైరా నరసింహా రెడ్డి’ వంటి చిత్రాలకు ఈమె డిజైన్ చేసిన కాస్ట్యూమ్స్ కు మంచి రెస్పాన్స్ వచ్చింది. ఇప్పుడు నిర్మాతగా కూడా మారాలనే డెసిషన్ కు వచ్చిందట. మొదటి ప్రయోగంగా కొన్ని వెబ్ సిరీస్ లు నిర్మించాలని.. సొంతంగా ఓటిటి ప్లాట్ ఫామ్ ను క్రియేట్ చేసుకోవాలి అని భావిస్తోందట. మరోపక్క సినిమా కథల్ని కూడా వింటుందని సమాచారం. మరి ఈ మెగా డాటర్ ప్రయోగాలు ఎంత వరకూ సక్సెస్ అవుతాయో చూడాలి..!
వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!
