నితిన్, త్రివిక్రమ్ శ్రీనివాస్ కాంబినేషన్ లో తెరకెక్కుతోన్న చిత్రం ‘అ ఆ..'(అనసూయ రామలింగం..ఆనంద్ విహారి). ప్రస్తుతం ఈ సినిమా షూటింగ్ జరుగుతోంది. ఈ సినిమా ఏ ముహూర్తాన.. మొదలయిందో గానీ అడుగడుగునా.. ఆటంకాలే. అనుకున్న సమయానికి ఈ సినిమా విడుదల కాకుండా వెనక్కి వెళుతోంది. రోజుకో టెక్నీషియన్ ఈ సినిమా నుండి జారుకుంటున్నాడు.
ముందుగా సంగీత దర్శకుడు అనిరుధ్ సినిమా నుండి తప్పుకునాడు. ఆ తరువాత ఆర్ట్ డైరెక్టర్ రాజీవన్ కూడా మధ్యలో వెళ్ళిపోయాడు. రీసెంట్ గా ఈ చిత్ర సినిమాటోగ్రఫర్ నట్టి అలియాస్ నటరాజన్ కూడా సినిమా నుండి తప్పుకున్నాడు. దీంతో దర్శకుడు త్రివిక్రమ్, బాలీవుడ్ సినిమాటోగ్రాఫర్ డుడ్లే ను నటరాజన్ స్థానంలోకి తీసుకున్నట్లుగా సమాచారం.
