తెలుగు చిత్ర పరిశ్రమ తొలి తరం హీరో, దాదా సాహెబ్ పాల్కే అవార్డు గ్రహీత, పద్మభూషణ్ అక్కినేని నాగేశ్వరరావు మన మధ్యలేక పోయినా ఆయన చిత్రాల ద్వారా కలకాలం నిలిచి వుంటారు. వివాద రహితుడిగా పేరుగాంచిన ఏఎన్నార్ సినిమాలే కాదు, ఆయన మాటలు కూడా నేటి తరం నటులకు స్ఫూర్తినిస్తాయి. రెండు వందలకు పైగా చిత్రాల్లో నటించిన ఈ దేవదాసు సినిమా రిలీజ్ కి ముందే అది హిట్టా, ఫట్టా అనేది పక్కాగా చెప్పేయగలరు. అంతటి అనుభవం కలిగిన ఏఎన్నార్ తన మనవుడి మూవీ భవిష్యత్ తో పాటు, ప్రేమ సంగతిని కూడా ఆనాడే అంచనా వేశారు.
నాగ చైతన్య, సమంత కలిసినటించిన “ఏ మాయ చేసావే” సినిమా ప్రచార కార్యక్రమంలో ఈ విషయాన్ని వెల్లడించారు. “సినిమాలో సమంత మాయ చేసింది. ఆ మాయలో నాగ చైతన్య పడిపోయాడు” అంటూ పరోక్షంగా వారి ప్రేమ గుట్టును బయట పెట్టారు. ఆరేళ్ల క్రితం ఆయన చెప్పిన మాట ఇప్పుడు నిజమైంది. ఆ సినిమా సమయంలో చైతు, స్యామ్ మధ్య చిగురించిన ప్రేమ మహా వృక్షముగా ఎదిగింది. వచ్చే ఏడాది వీరిద్దరూ పెళ్లి చేసుకోనున్నారు. ఈ జంటకు అక్కినేని బ్లెస్సింగ్స్ కూడా ఉంటాయనడంలో ఎటువంటి సందేహం అవసరం లేదు.
Also, do SUBSCRIBE to our YouTube channel to get latest Tollywood updates.
