టాలీవుడ్ లో హీరోయిన్ గా ఎంట్రీ ఇచ్చిన అను ఇమ్మాన్యుయేల్ అగ్ర హీరోలతో కలిసి నటించింది. కానీ ఆమెకి బ్రేక్ మాత్రం రాలేదు. ‘మజ్ను’ తప్ప ఆమె నటించిన సినిమాలేవీ వర్కవుట్ అవ్వలేదు. పవన్ కళ్యాణ్, అల్లు అర్జున్ లాంటి స్టార్ హీరోలు కూడా ఆమెకి హిట్ ఇవ్వలేకపోయారు. చాలా కాలంగా మంచి హిట్ కోసం ఎదురుచూస్తోంది అను ఇమ్మాన్యుయేల్. తాజాగా ఆమె నటించిన ‘ఊర్వశివో రాక్షసివో’ సినిమా విడుదలకు సిద్ధమవుతోంది.
నవంబర్ 4న ఈ సినిమా ప్రేక్షకుల ముందుకు రానుంది. ఇందులో అల్లు శిరీష్ హీరోగా నటించారు. ఈ సినిమా ప్రమోషన్స్ లో జోరుగా పాల్గొంటుంది అను ఇమ్మాన్యుయేల్. తాజాగా నిర్వహించిన ఓ ప్రెస్ మీట్ లో ఓ రిపోర్టర్ అడిగిన ప్రశ్నకు అసహనం వ్యక్తం చేసింది అను ఇమ్మాన్యుయేల్. ‘మీరు బన్నీతో కలిసి నటించారు. ఇప్పుడు వాళ్ల తమ్ముడితో కలిసి నటించారు. ఇద్దరిలో ఎవరు క్యూట్..? ఎవరు నాటీ..?’ అని ప్రశ్నించారు. దానికి అను ‘మీకు అడగడానికి వేరే ప్రశ్నలే లేవా..? దయచేసి మంచి ప్రశ్నలు అడగండి’ అంటూ ఘాటుగా స్పందించింది.
దీంతో సదరు వ్యక్తి ‘ఈ సినిమాలో మీకు బాగా నచ్చిన సన్నివేశం ఏంటి..?’ అని ప్రశ్నించారు. ‘అది ఇప్పుడే చెప్పకూడదు. సినిమాలో చూడాలి’ అంటూ చెప్పుకొచ్చింది. అయితే అను ఇలా సీరియస్ అవ్వడంతో సోషల్ మీడియాలో ‘అంత రియాక్ట్ అవ్వాల్సిన అవసరం లేదంటూ’ కామెంట్స్ చేస్తున్నారు.
రాకేష్ శశి దర్శకత్వం వహించిన ఈ సినిమాకి అల్లు అరవింద్ నిర్మాత. ఈ నెలాఖరున సినిమాకి సంబంధించిన గ్రాండ్ ప్రీ రిలీజ్ ఈవెంట్ ను నిర్వహించనున్నారు. దీనికి యూనిక్ గెస్ట్ వస్తారంటూ అల్లు అరవింద్ చెప్పుకొచ్చారు. ఆ యూనిక్ గెస్ట్ బాలకృష్ణ అంటూ ప్రచారం జరుగుతోంది.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
