మహేష్, కొరటాల శివ సినిమాలో అనుష్క స్పెషల్ సాంగ్

టాలీవుడ్ లో ప్రస్తుతం ఆసక్తి రేపుతున్న చిత్రాల్లో మహేష్ బాబువి రెండు సినిమాలున్నాయి. అందులో ఒకటి స్పైడర్ అయితే, మరొకటి భరత్ అను నేను. కొరటాల శివ దర్శకత్వంలో మహేష్ బాబు శ్రీమంతుడు వంటి హిట్ తర్వాత చేస్తున్న మూవీ కావడంతో అంచనాలు భారీగానే ఉన్నాయి. అభిమానుల అంచనాలకు మించి ఉండేలా కొరటాల సినిమాని తెరకెక్కిస్తున్నారు. ఈ సారి తన సినిమాలో హాస్యం తో పాటు గ్లామర్ డోస్ పెంచనున్నట్లు తెలిసింది. ఇప్పటికే హీరోయిన్ గా బాలీవుడ్ బ్యూటీ కైరా అద్వానీని సెలక్ట్ చేసిన డైరక్టర్.. టాలీవుడ్ స్వీటీ అనుష్కతో స్పెషల్ సాంగ్ చేయించాలనే పనిలో ఉన్నట్లు ఫిలిం నగర్ వాసులు చెబుతున్నారు.

కొరటాల గత చిత్రం జనతా గ్యారేజ్ లో కాజల్ అగర్వాల్ తో చేయించిన పక్కా లోకల్ సాంగ్ సినిమా విజయానికి బాగా దోహదం చేసింది. అందుకే మాస్ అభిమానులకోసం అనుష్కతో మాస్ సాంగ్ చేయించాలని భావిస్తున్నారు. బాహుబలి సినిమాతో రేంజ్  పెంచుకున్న అనుష్క ప్రత్యేక పాటకు ఒకే అంటుందా ? లేదా ? త్వరలో తెలియనుంది.

Also, do SUBSCRIBE to our YouTube channel to get latest Tollywood updates.