అవసరాల శ్రీనివాస్, నాని మంచి మిత్రులు. ఇద్దరి కలయికలో అష్టా చమ్మా, జెంటిల్ మ్యాన్ సినిమాలు వచ్చాయి. అవి విజయవంతమయ్యాయి. అయితే అవసరాల శ్రీనివాస్ ఎప్పటినుంచో నానిని డైరక్ట్ చేయాలనీ అనుకుంటున్నారు. కానీ ఇద్దరూ తమ తమ ప్రాజెక్ట్స్ లలో బిజీగా ఉండడం వల్ల కుదరలేదు. ఇప్పుడు సెట్ అయినట్లు తెలిసింది. నేచురల్ స్టార్ కోసం అద్భుతమైన కథ ని అవసరాల కంప్లీట్ చేసినట్లు సమాచారం. ప్రస్తుతం ఈ మూవీకి సంభందించిన స్క్రిప్ట్ వర్క్ జరుగుతున్నట్లు ఫిలిం నగర్ వాసులు చెప్పారు.
ప్రస్తుతం నాని యువ దర్శకుడు మేర్లపాక గాంధీ దర్శకత్వంలో ‘కృష్ణార్జున యుద్ధం’ సినిమా చేస్తున్నారు. నాని ద్విపాత్రాభినయం చేస్తున్న ఈ చిత్ర షూటింగ్ చివరి దశకు చేరుకుంది. ఈ సినిమా తరువాత కిశోర్ తిరుమల దర్శకత్వంలో ఒక సినిమా సినిమా చెయ్యబోతున్నారు. మైత్రి మూవీ మేకర్స్ నిర్మించనున్న ఈ సినిమాకు చిత్రలహరి అనే టైటిల్ ఫిక్స్ చేశారు. మార్చిలో ఇది సెట్స్ మీదకు వెళ్లనుంది. దీని తర్వాత అవసరాల శ్రీనివాస్ దర్శకత్వంలో నాని నటించనున్నారు. ఇద్దరు మిత్రులు కాంబినేషన్లో వస్తున్న సినిమాపై అంచనాలు ఉండడం ఖాయం.
