హాలీవుడ్ జనాలు మాత్రమే కాక ప్రపంచవ్యాప్తంగా ఉన్న సినిమా అభిమానులందరూ ఎంతో ఆశగా ఎదురుచూస్తున్న చిత్రం “ఎవెంజర్స్ ఇన్ఫినిటీ వార్”. మార్వెల్ సిరీస్ లోని హీరోలందరూ కలిసి నటిస్తున్న చిత్రం కావడంతో ఈ చిత్రంపై విశేషమైన అంచనాలున్నాయి. అందుకే ప్రపంచవ్యాప్తంగా అన్నీ భాషల్లోనూ ఈ చిత్రాన్ని డబ్బింగ్ రూపంలో విడుదల చేస్తున్నారు. అయితే.. ప్రతి భాషలోనూ ఏదో ఒక ప్రత్యేక ఉండేలా చూసుకొంటున్నారు. అందుకే తెలుగులో మెయిన్ విలన్ పాత్రకి రాణా చేత డబ్బింగ్ చెప్పించారట. ఆల్రెడీ రాణా డబ్బింగ్ కూడా పూర్తి చేశాడట. ఏప్రిల్ 27న ప్రపంచవ్యాప్తంగా విడుదలవ్వనున్న ఈ చిత్రంలో విలన్ పాత్ర చాలా కీలకం అందుకే..
తెలుగు వెర్షన్ కోసం “తానోస్” అనే సదరు విలన్ పాత్రకు “బాహుబలి” సిరీస్ తో విశేషమైన క్రేజ్ సంపాదించుకొన్న రాణా గొంతు అయితేనే సరిగ్గా సూట్ అవుతుందని హాలీవుడ్ నిర్మాణ సంస్థ భావించి సదరు పాత్రకి రాణాతో డబ్బింగ్ చెప్పించారట. ఈ విషయాన్ని రాణా ఇవాళ తన ట్విట్టర్ ఎకౌంట్ ద్వారా కన్ఫర్మ్ చేశాడు. రాణా గంభీరమైన గొంతు “ఎవెంజర్స్ ఇన్ఫినిటీ” చిత్రానికి ప్రత్యేక ఆకర్షణగా నిలవనుందట. అయితే.. సదరు పాత్రకు డబ్బింగ్ చెబుతున్నప్పుడు తాను బాగా ఎంజాయ్ చేశానని… ఇలాంటి వరల్డ్ పాపులర్ మూవీలో తాను కూడా భాగస్వామి అవ్వడం ఆనందంగా ఉందని రాణా తెలిపాడు.
Home