గౌతమి పుత్ర శాతకర్ణి టీమ్ కి పార్టీ ఇవ్వనున్న బాలకృష్ణ

నటసింహ నందమూరి బాలకృష్ణ ప్రధాన పాత్రలో ప్రతిష్టాత్మకంగా తెరకెక్కిన ‘గౌతమీ పుత్ర శాతకర్ణి’ మంచి చిత్రం గా పేరు తెచ్చుకోవడంతో పాటు భారీ కలక్షన్స్ వసూల్ చేసింది. ఉత్తమ చిత్రాల దర్శకుడు క్రిష్ రూపొందించిన ఈ మూవీ జనవరి 12 న విడుదలై బాలయ్య గత 99 చిత్రాల రికార్డులను తిరగరాసింది.  రాజీవ్ రెడ్డి, సాయి బాబు సంయుక్తంగా నిర్మించిన ఈ ఫిల్మ్ విడుదలైన అన్ని థియేటర్లలో హౌస్ ఫుల్ కలక్షన్స్ తో ప్రదర్శితమవుతోంది.

తన వందో చిత్రం సంతృప్తిని కలిగించడంతో పాటు, లాభాలను తెచ్చిపెట్టడంతో బాలకృష్ణ చాలా సంతోషంగా ఉన్నారు. ఆ ఆనందాన్ని శాతకర్ణి టీమ్ తో పంచుకునేందుకు సిద్ధమయ్యారు. చిత్ర బృందంలోని ప్రతి ఒక్కరికీ గ్రాండ్ పార్టీని ఇస్తున్నారు. రేపు హైదరాబాద్ లోని ఓ స్టార్ హోటల్లో పార్టీ ఇవ్వనున్నట్లు తెలిసింది.

Also, do SUBSCRIBE to our YouTube channel to get latest Tollywood updates.