Balakrishna: తాను నర్సులపై చేసిన వ్యాఖ్యలకు వివరణ ఇస్తూ బాలకృష్ణ చేసిన పోస్ట్ వైరల్..

నటసింహ నందమూరి బాలకృష్ణ ఇటీవల ‘వీరసింహా రెడ్డి’ సక్సెస్ ఫంక్షన్‌లో అక్కినేని తొక్కినేని అని వ్యాఖ్యానించడం వివాదాస్పదమైంది.. సోషల్ మీడియాలో అక్కినేని నాగ చైతన్య, అఖిల్ ఇద్దరూ ఈ విషయంపై పోస్టులు చేశారు. తర్వాత బాలయ్య వివరణ ఇవ్వడంతో ఈ కాంట్రవర్శీకి తెరపడింది. అయితే తాజాగా తాను హోస్ట్ చేస్తున్న ‘అన్‌స్టాపబుల్’ షోలో పవన్ కళ్యాణ్ పాల్గొన్న సంగతి తెలిసిందే. ఈ షో ఫస్ట్ ఎపిసోడ్‌లో గతంలో తనకు ఎదురైన హాస్పిటల్ అనుభవం గురించి చెప్తూ.. ఓ నర్సుని ఉద్దేశించి బాలయ్య చేసిన వ్యాఖ్యలు దుమారం రేపాయి..

ఆంధ్రప్రదేశ్ నర్సింగ్ సంక్షేమ సంఘం అధ్యక్షుడు స్వచ్ఛంద ప్రసాద్ మాట్లాడుతూ బాలయ్య నర్సులపై చేసిన వ్యాఖ్యలను వెనక్కు తీసుకోవాలని అన్నారు. అయితే బాలయ్య ఫ్యాన్స్ మాత్రం ఈ కామెంట్లపై మండిపడుతున్నారు. ప్రతిదీ వివాదం చేయడం సరికాదని వాళ్లు చెబుతున్నారు. బాలయ్య మంచి వ్యక్తి అని సరదాగా తన జీవితంలో జరిగిన సన్నివేశాల గురించి చెప్పారని, ప్రతిదీ నెగిటివ్ గా తీసుకోవద్దని ఫ్యాన్స్ కామెంట్లు చేస్తున్నారు. బాలయ్యపై రాజకీయ పరమైన కారణాలతో వివాదాలు సృష్టిస్తున్నారని..

తప్పు చేస్తే బాలయ్య క్షమాపణ చెబుతారని అంత మాత్రాన బాలయ్య చేసిన ప్రతి పనీ తప్పే అని చెబితే ఊరుకోమని ఫ్యాన్స్ కామెంట్లు చేస్తున్నారు.. ఇదిలా ఉంటే తాజాగా ఈ వివాదం గురించి నటసింహ స్పందించారు.. నర్సులను కించ పరిచడం తన ఉద్దేశం కాదని క్లారిటీ ఇస్తూ తన ఫేస్ బుక్ ఖాతాలో ఓ పోస్ట్ చేశారాయన.. ‘‘అందరికి నమస్కారం.. నేను నర్సులను కించపరిచానంటూ కొందరు చేస్తున్న అసత్య ప్రచారాన్ని తీవ్రంగా ఖండిస్తున్నాను.. నా మాటలను కావాలనే వక్రీకరించారు.. రోగులకు సేవలందించే నా సోదరీమణులంటే నాకెంతో గౌరవం..

బసవతారకం క్యాన్సర్ ఆసుపత్రిలో నర్సుల సేవలను ప్రత్యక్షంగా చూశాను.. రాత్రింబవళ్లు.. రోగులకు సపర్యలు చేసి.. ప్రాణాలు నిలిపే నా సోదరీమణులంటే నాకెంతో గౌరవం.. వారికి ఎన్నిసార్లు కృతజ్ఞతలు చెప్పినా తక్కువే.. కరోనా వేళ ప్రపంచవ్యాప్తంగా తమ ప్రాణాలను పణంగా పెట్టి ఎంతో మంది నర్సులు పగలనక, రాత్రనక నిద్రాహారాలు మానేసి.. కరోనా రోగులకు ఎంతగానో సేవలందించారు.. అటువంటి నర్సులను మనం మెచ్చుకుని తీరాలి.. నిజంగా నా మాటలు మీ మనోభావాలను దెబ్బతీస్తే.. పశ్చాత్తాపం వ్యక్తం చేస్తూ.. మీ నందమూరి బాలకృష్ణ’’.. అంటూ పోస్ట్ చేశారు బాలయ్య..

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!