నందమూరి బాలకృష్ణ, పూరి జగన్నాథ్ కలయికలో సినిమా నిన్న వైభవంగా ప్రారంభమయింది. ఈ క్రేజీ ప్రాజక్ట్ ఈనెల 16 నుంచి రెగ్యులర్ షూటింగ్ జరుపుకోనుంది. ఇంత వరకు ఒక షాట్ కూడా తెరకెక్కించకుండానే ఈ చిత్రాన్ని సెప్టెంబర్ 29న రిలీజ్ చేయనున్నట్లు డైరక్టర్ చెప్పారు. గౌతమి పుత్ర శాతకర్ణి తర్వాత బాలయ్య చేస్తున్న 101 వ సినిమా గురించి ఆసక్తికర న్యూస్ బయటికి వచ్చింది. ఈ మూవీ కథ పూరి మెగాస్టార్ చిరంజీవి కోసం రాసుకున్నదని టాలీవుడ్ వర్గాల వారు చెబుతున్నారు. చిరంజీవి తన 150వ సినిమా కోసం పూరీ జగన్నాథ్ వద్ద కథను విన్నారు. అతనితోనే సినిమా నిర్మిస్తానని రామ్ చరణ్ కూడా ప్రకటించాడు. చివరకి తమిళ సినిమాను రీమేక్ చేశారు.
చిరు కి చెప్పిన ఆటో జానీ కథనే పూరి జగన్నాథ్ బాలకృష్ణ స్టైల్, బాడీ లాంగ్వేజ్‌కు అనుగుణంగా మార్చి వినిపించారని, అది నచ్చడంతో బాలయ్య వెంటనే ఒప్పుకున్నారని ఫిల్మ్ నగర్ వాసులు చెబుతున్నారు. భవ్య క్రియేషన్స్ బ్యానర్‌పై ఆనంద్ ప్రసాద్ నిర్మిస్తున్న ఈ మూవీకి ఆటో జానీ కాకుండా మంచి పేరుని పరిశీలిస్తున్నట్లు తెలిసింది. ఈ మూవీ హిట్ చేసి చిరంజీవి పశ్చత్తాప పడేలా చేయాలనీ పూరి శ్రమిస్తున్నట్లు సమాచారం.
