సినిమాల విషయంలో స్టార్స్ మధ్య పోటీ వాతావరణం ఉండడం సహజం.. మేకప్ తీసేశాక మేమంతా కళామతల్లి బిడ్డలమే అంటుంటారు మన టాలీవుడ్ హీరోలు.. అభిమానుల మధ్య ఫ్యాన్ వార్స్ అనేవి ఎలా ఉన్నా నటులంతా స్నేహభావంతోటి మెలుగుతుంటారు. ఈ విషయంలో మెగాస్టార్ చిరంజీవి, నటసింహ నందమూరి బాలకృష్ణల బాండింగే వేరు. చిరు, బాలయ్యని సోదరుడు, మిత్రుడు అని సంబోధిస్తే.. తనకు ఇండస్ట్రీలో ఉన్న వన్ అండ్ ఓన్లీ ఫ్రెండ్ చిరంజీవి మాత్రమే అంటుంటాడు బాలయ్య..
మెగా, నందమూరి కంటే ముందే.. అ్లలు – నందమూరి కుటుంబాల మధ్య మంచి అనుబంధముంది.. అగ్ర నిర్మాత అల్లు అరవింద్, బాలయ్యతో టాక్ షో అనౌన్స్ చేసినప్పుడు తన తండ్రి అల్లు రామలింగయ్య, బాలయ్య తండ్రి ఎన్టీఆర్‌ల మధ్య రిలేషన్, వాళ్ల పిలుపులు ఎలా ఉండేవో చెప్పేవరకు ఆ సంగతులేవీ ప్రేక్షకాభిమానులకు తెలియవు. తర్వాత ఐకాన్ స్టార్ అల్లు అర్జున్, బాలయ్య ‘అఖండ‘ ప్రీ రిలీజ్ ఈవెంట్‌కి చీఫ్ గెస్టుగా వచ్చి.. తమ కుటుంబాల మధ్య బాండింగ్ గురించి చెప్పడం.. బాలయ్య షోలో పాల్గొని సందడి చెయ్యడం చూశాం..
ఇప్పుడు అల్లు వారి హీరో కోసం బాలయ్య రాబోతున్నాడు. సినిమా సినిమాకీ నటుడిగా తనను తాను ప్రూవ్ చేసుకోవడానికి కష్టపడుతూనే ఉన్నాడు అల్లు శిరీష్.. కొంతగ్యాప్ తర్వాత ‘ఊర్వశివో.. రాక్షసివో’ అనే రొమాంటిక్ ఎంటర్ టైనర్ తో ఆడియన్స్ ముందుకి రాబోతున్నాడు. టీజర్ చూస్తే, సినిమాలో యూత్ కి కావల్సినంత స్టఫ్ ఉందని అర్థమవుతుంది. అను ఇమ్మానుయేల్ హీరోయిన్ గా నటించగా.. అల్లు అరవింద్ సమర్పణలో, రాకేష్ శశి డైరెక్షన్లో ధీరజ్ మొగిలినేని, విజయ్ కలిసి నిర్మించారు.
నవంబర్ 4న గ్రాండ్ గా రిలీజ్ కానున్న ‘ఊర్వశివో.. రాక్షసివో’ మూవీ ప్రీ రిలీజ్ ఈవెంట్ హైదరాబాద్ లో భారీస్థాయిలో ప్లాన్ చేశారు. ఈ కార్యక్రమానికి ముఖ్య అతిథిగా బాలయ్య బాబు, పవన్ కళ్యాణ్ ఇద్దరిలో ఒకరు రాబోతున్నారని వార్తలు వచ్చాయి.. ఒకవేళ ఇద్దరూ అందుబాటులో లేకపోతే.. తమ్ముడు కోసం అన్నయ్య అల్లు అర్జున్ వస్తాడని కూడా అన్నారు. కట్ చేస్తే.. బాలయ్య లైన్‌లోకి వచ్చాడు.
అక్టోబర్ 30వ తేదీ ఆదివారం సాయంత్రం జేఆర్‌సీ కన్వెన్షన్‌లో ‘ఊర్వశివో.. రాక్షసివో’ మూవీ ప్రీ రిలీజ్ ఈవెంట్ ప్లాన్ చేశారు. ఈ కార్యక్రమానికి బాలకృష్ణ చీఫ్ గెస్టుగా రానున్నారని అఫీషియల్‌గా అనౌన్స్ చేశారు మేకర్స్. మూవీ టీంతో పాటు అల్లు అరవింద్ కూడా పాల్గొంటారని తెలుస్తోంది. ఆహాలో బాలయ్య ప్రస్తుతం అన్‌స్టాపబుల్ 2 చేస్తున్నాడు. త్వరలో గీతా ఆర్ట్స్ బ్యానర్‌లో ఆయనతోె సినిమా చెయ్యడానికి అరవింద్ సన్నాహాలు చేస్తున్నారని సమాచారం..
