“జై సింహా” లాంటి హిట్ ఇచ్చిన కె.ఎస్.రవికుమార్ దర్శకత్వంలో తెరకెక్కుతున్న “రూలర్” షూటింగ్ పూర్తికావొస్తోంది. సినిమాను డిసెంబర్ 20న విడుదల చేయనున్నారు. దాంతో బాలయ్య తన తదుపరి చిత్రంపై కాన్సన్ ట్రేట్ చేయడం మొదలెట్టాడు. బోయపాటి దర్శకత్వంలో తెరకెక్కబోయే ఈ తాజా చిత్రంలో బాలయ్య ట్రిపుల్ రోల్ చేస్తారని వినికిడి. ఆల్రెడీ బౌండెడ్ స్క్రిప్ట్ సిద్ధం చేసిన బోయపాటి.. ప్రస్తుతం హీరోయిన్, విలన్ మరియు ఇతర పాత్రలను ఫైనల్ చేసే పనిలో పడ్డాడు.
అయితే.. విశ్వసనీయ వర్గాల సమాచారం మేరకు ఈ సినిమాలో బాలీవుడ్ హీరో కమ్ విలన్ సంజయ్ దత్ ప్రతినాయక పాత్ర పోషించనున్నాడని తెలుస్తోంది. బోయపాటి సినిమాల్లో హీరోతో సమానమైన విలన్ పాత్రలు ఉంటాయి. “లెజెండ్”లో జగపతిబాబు, “సరైనోడు”లో ఆది పినిశెట్టి, “వినయ విధేయ రామ”లో వివేక్ ఒబెరాయ్.. ఇలా బోయపాటి సినిమాలో విలన్స్ కి ప్రత్యేకమైన స్థానం ఉంటుంది. అందుకే.. బాలయ్య సినిమాలో విలన్ గా సంజయ్ దత్ ను ఫైనల్ చేసినట్లుగా తెలుస్తోంది. రౌద్రాన్ని పండించడంలో సిద్ధహస్తులైన ఈ ఇద్దరు హీరోలు వెండితెరపై తలపడితే చూడడానికి భలే ఎగ్జైటింగ్ గా ఉంటుంది.
మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
Home