మూవీ ఆర్టిస్ట్ అసోసియేషన్(మా) ఎన్నికలు ప్రస్తుతం టాలీవుడ్ లో హాట్ టాపిక్ గా మారాయి. గతంలో ఎన్నడూ లేని విధంగా ఈసారి ఎన్నికలు రసవత్తరంగా మారాయి. ఎన్నికల తేదీని ప్రకటించినప్పటి నుంచి రోజుకో ట్విస్ట్ బయటకొస్తూ.. సాధారణ ఎన్నికలను తలపిస్తున్నాయి. ఇన్నాళ్లపాటు ప్రకాష్ రాజ్ ప్యానెల్ లో సభ్యుడిగా ఉన్న నిర్మాత, నటుడు బండ్ల గణేష్ ఆయన ప్యానెల్ నుంచి బయటకొచ్చిన సంగతి తెలిసిందే. ఇదిలా ఉండగా.. ఎన్నికల తేదీ దగ్గర పడుతుండడంతో బరిలో ఉన్న సభ్యులు ప్రచారం ముమ్మరం చేస్తున్నారు.
ఇందులో భాగంగా తమ ప్యానెల్ సభ్యులతో ప్రకాష్ రాజ్ శనివారం సమావేశమయ్యారు. ఆదివారం నాడు ‘మా’ సభ్యులందరినీ విందుకి ఆహ్వానిస్తూ ఇన్విటేషన్ పంపించారు. దీంతో బండ్ల గణేష్ సోషల్ మీడియా వేదికగా స్పందిస్తూ.. ట్విట్టర్ లో ఓ వీడియో పోస్ట్ చేశారు. ఈ వీడియోలో ప్రకాష్ రాజ్ ‘మా’ సభ్యులను విందుకు ఆహ్వానించడంపై బండ్ల గణేష్ అభ్యంతరం వ్యక్తం చేశాడు. దయచేసి ‘మా’ కళాకారులను విందులు, సన్మానాల పేర్లతో ఒక దగ్గరకు చేర్చొద్దని..
ఎందుకంటే గంట రెండేళ్లలో అందరూ కరోనా భయంతో బ్రతుకుతున్నారని.. చాలా మంది చావు వరకు వెళ్లొచ్చారని తెలిపాడు. అందులో తను కూడా ఒకడినని.. ఓటు కావాలంటే ఫోన్ చేసి.. మీరు ఏయే అభివృద్ధి పనులు చేస్తారో చెప్పండని సూచించాడు. అంతేకానీ విందుల పేరుతో అందరినీ ఒక చోట చేర్చి కళాకారుల ప్రాణాలతో చెలగాటాలాడొద్దని రిక్వెస్ట్ చేశాడు.
It’s my humble request only 🙏🙏🙏🙏🙏🙏🙏 pic.twitter.com/nxIbt866ml
— BANDLA GANESH. (@ganeshbandla) September 12, 2021
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
