నూయార్క్ లో గణేష్ గుడి చాలా బాగుంది : నాగార్జున

అన్నమయ్య, రామదాసు, షిరిడి సాయి సినిమాల తర్వాత కింగ్ నాగార్జున మరో భక్తిరస ప్రధానమైన సినిమా చేయనున్నారు. కె రాఘవేంద్ర రావు దర్శకత్వంలో హాతీరాం బాబాగా కనిపించనున్నారు. మరో సారి శ్రీ వెంకటేశ్వరుని భక్తుడిగా నటించనున్నారు. ఈ చిత్రానికి సంబంధించి ప్రీ ప్రొడక్షన్ పనులు వేగంగా జరుగుతున్నాయి. హాతీరాం బాబాగా భక్తిని పండించేందుకు, ఆధ్యాత్మిక భావాన్ని అణువణువునా నింపుకునేందుకు నాగార్జున ప్రపంచంలోని ప్రముఖ పుణ్య క్షేత్రాలను దర్శిస్తున్నారు. ఇందులో భాగంగా శనివారం నూయార్క్ లోని క్వీన్స్ వద్దగల గణేష్ ఆలయానికి వెళ్లారు.

అక్కడి వాతావరణం చూసి సంతోషించారు. “ఇక్కడి గణేష్ గుడిలో గడిపిన క్షణాలు మధురానిభూతిని కలిగించాయి. ఆలయాన్ని చాలా పరిశుభ్రంగా ఉంచారు. ఆలయ నిర్వాహకులకు అభినందనలు” అని నాగార్జున ట్విట్టర్ లో పోస్ట్ చేశారు. హాతీరాం బాబా చిత్రంకోసం ఎం.ఎం.కీరవాణి స్వరాలను సిద్ధం చేశారు. నాగార్జున పక్కన అనుష్క, ప్రాగ్య జైస్వాల్, విమల రామన్ నటించనున్న ఈ చిత్ర షూటింగ్ త్వరలో తిరుపతిలో ప్రారంభమవుతుంది.