మాధురి దీక్షిత్ ఆ హీరో వల్ల సినిమాలకు దూరమయ్యిందా?

May 28, 2020 / 11:46 AM IST

బాలీవుడ్ నటి మాధురి దీక్షిత్ గురించి ప్రత్యేక పరిచయం అవసరం లేదు. తెలుగులో కూడా ఈమెకు మంచి ఫ్యాన్ ఫాలోయింగ్ ఉంది. ఈమె అప్పట్లో ఎన్నో అద్భుతమైన ప్రేమ కథల్లో నటించి కుర్ర కారుని ఓ ఊపు ఊపేసింది. అమితాబ్ బచ్చన్, సల్మాన్ ఖాన్, ఆమిర్ ఖాన్, అక్షయ్ కుమార్ వంటి స్టార్ హీరోల సినిమాల్లో నటించి… స్టార్ హీరోయిన్ గా ఎదిగింది. చూడటానికి ఎంతో కళకళలాడుతూ ఉండే ఈ బ్యూటీకి విపరీతమైన ఫ్యాన్ ఫాలోయింగ్ తో పాటు.. నటనతో కూడా ఈమె ప్రేక్షకులను ఎంతో ఆకట్టుకుంది.

అయితే ఈమె లవ్ ఫెయిల్యూర్ వల్ల డిప్రెషన్ కు వెళ్ళిపోయిందంటూ అప్పట్లో ప్రచారం జరిగింది. ఓ స్టార్ హీరోతో ఈమె ప్రేమ విఫలమవ్వడంతో ఆమె అలా డిప్రెషన్ కు వెళ్ళిపోయినట్టు తెలుస్తుంది. అసలు మ్యాటర్ ఏమిటంటే.. అప్పట్లో సంజయ్ దత్ తో మాధురి దీక్షిత్ ప్రేమ వ్యవహారం నడిపిందట.వీరిద్దరూ పెళ్ళికూడా చేసుకోవాలి అనుకున్నారట. కానీ వీరిద్దరి మధ్యలో మనస్పర్థలు చోటు చేసుకోవడంతో… ఇద్దరూ విడిపోయినట్టు తెలుస్తుంది. ఆ తరువాత మానసికంగా చాలా డిస్ట్రబ్ అయినట్టు తెలుస్తుంది.

Because of that hero i went to depression says Madhuri Dixit1

ఆ టైములో డిప్రెషన్ కు వెళ్ళిపోయినట్టు కూడా ప్రచారం నడిచింది. ఆ సమయంలో విదేశాల్లో ఉంటున్న తన సోదరుడు వద్దకు వెళ్ళిపోయి.. కొంత కాలం పాటు సినీ పరిశ్రమకు దూరంగా ఉందని కూడా తెలుస్తుంది. అపుడు మాధురి దీక్షిత్ సోదరుడు .. ఆమెకు ధైర్యం చెబుతూ నార్మల్ అయ్యేలా చేసాడట. దాంతో త్వరగా కోలుకుని మళ్ళీ సినిమాల్లోకి ఎంట్రీ ఇచ్చినట్టు అప్పట్లో కథలు కథలుగా చెప్పుకునే వారు.