ఇప్పటివరకూ కెరీర్ లో చెప్పుకోదగ్గ హిట్ ఒక్కటంటే ఒక్కటి కూడా లేదు. కథ-కథనం కంటే ప్రతి సినిమాలోనూ స్టార్ హీరోయిన్ ను, భారీ బడ్జెట్ ను మాత్రమే నమ్ముకుని ఏడాదికి ఒక సినిమా చొప్పున చేసుకుంటూ వెళ్లిపోతున్నాడు. ఆఫ్ కోర్స్ హిట్-ఫ్లాప్ అనేది మాత్రం పట్టించుకోవడం లేదనుకోండి. అయితే.. ఈమధ్యకాలంలో బాబుకి మినిమం యావరేజ్ హిట్ కూడా దక్కలేదు. దాంతో ఎంత పెద్ద స్టార్ హీరోయిన్ ఉన్నప్పటికీ మినిమం ఓపెనింగ్స్ కూడా రావడం లేదు. “కవచం” సినిమాకి మొదట్లో పర్వాలేదు అనే టాక్ వచ్చినప్పటికీ.. ఇప్పుడు డిజాస్టర్ గా తేలిపోయింది. దాంతో ఇప్పుడు తన తదుపరి చిత్రం మీదే ఆశలు పెట్టుకొన్నాడు.
తేజ దర్శకత్వంలో తెరకెక్కుతున్న ఈ చిత్రంలోనూ కాజల్ కథానాయిక. “సీత” అనే టైటిల్ తో తెరకెక్కుతున్న ఈ సినిమా మొత్తం కాజల్ క్యారెక్టర్ చుట్టూనే తిరుగుతుందట. అందుకే సినిమాకి “సీత” అనే టైటిల్ ఫిక్స్ చేశారు. ఈ సినిమా విషయంలో కూడా కాజల్ క్రేజ్ మరియు గ్లామర్ నే నమ్ముకున్నాడు బెల్లంకొండ శ్రీనివాస్. మరి బెల్లంబాబుని కాజల్ పాప ఎంతవరకూ రక్షిస్తుందో తెలియదు కానీ.. ప్రస్తుతం మనోడి కెరీర్ మాత్రం కాజల్ మీద ఆధారపడి ఉంది.
