స్టార్ డైరెక్టర్ కొరటాల శివ స్టార్ హీరో ఎన్టీఆర్ కాంబో మూవీ ఈ నెలాఖరు నుంచే ప్రారంభమయ్యే అవకాశాలు కనిపిస్తున్నాయి. జనతా గ్యారేజ్ తర్వాత కొరటాల శివ ఎన్టీఆర్ కాంబోలో మూవీ రానుండటంతో ఈ మూవీపై ఊహించని స్థాయిలో అంచనాలు ఏర్పడ్డాయి. ఈ సినిమా గురించి ప్రకటన మినహా ఈ సినిమాకు సంబంధించి ఎలాంటి అప్ డేట్లు రావడం లేదు. అయితే ఈ సినిమాలో భూమిక కీలక పాత్రలో నటిస్తున్నారని సమాచారం.
ఎన్టీఆర్, భూమిక కాంబినేషన్ లో రెండు సినిమాలు వచ్చాయి. ఈ సినిమాలలో సింహాద్రి బ్లాక్ బస్టర్ హిట్ గా నిలిస్తే సాంబ మూవీ మాత్రం యావరేజ్ రిజల్ట్ తో సరిపెట్టుకుంది. అయితే ఎన్టీఆర్ కొరటాల మూవీలో భూమిక కీలక పాత్రలో నటిస్తారని ఆ పాత్ర కథను మలుపు తిప్పే పాత్ర అని సమాచారం. అధికారిక ప్రకటన వస్తే మాత్రమే భూమిక నిజంగా ఈ సినిమాలో నటిస్తున్నారో లేదో తెలిసే అవకాశాలు ఉంటాయి.
సెకండ్ ఇన్నింగ్స్ లో భూమిక వరుస సినిమాలతో బిజీగా ఉండటంతో పాటు ఆ సినిమాలతో సక్సెస్ అందుకుంటున్నారు. తెలుగుతో పాటు తమిళంలో కూడా భూమిక చేతిలో సినిమా ఆఫర్లు ఉన్నాయి. హిందీలో ఒక సినిమాలో నటిస్తున్న భూమిక అభినయ ప్రధాన పాత్రల్లో ఎక్కువగా నటిస్తుండటం గమనార్హం. కొరటాల శివ ఎన్టీఆర్ కోసం పవర్ ఫుల్ స్క్రిప్ట్ ను సిద్ధం చేసినట్లు తెలుస్తోంది. ఈ సినిమాలో హీరోయిన్ గా ఎవరు నటిస్తారో తెలియాల్సి ఉంది.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
