బిగ్ బాస్ కార్యక్రమం ద్వారా ఎంతో మంచి గుర్తింపు సంపాదించుకున్నటువంటి వారిలో అశ్విని ఒకరు. వైల్డ్ కార్డు ద్వారా హౌస్ లోకి అడుగుపెట్టినటువంటి అశ్విని 12వ వారం వరకు హౌస్ లో కొనసాగిన సంగతి మనకు తెలిసిందే. ఇక బిగ్ బాస్ కార్యక్రమం పూర్తి అయిన తర్వాత అశ్విని పలు బుల్లితెర కార్యక్రమాలలో సందడి చేస్తున్నారు. అదే విధంగా పలు ఇంటర్వ్యూలకు కూడా హాజరవుతూ ఈమె ఎన్నో విషయాలను అభిమానులతో పంచుకుంటున్నారు.
ఈ క్రమంలోనే ఒక ఇంటర్వ్యూలో పాల్గొన్నటువంటి ఈమె పవన్ కళ్యాణ్ గురించి చేసినటువంటి కామెంట్స్ వైరల్ అవుతున్నాయి.పవన్ కళ్యాణ్ గారితో కలిసి ఈమె గబ్బర్ సింగ్ సినిమాలో నటించిన సంగతి తెలిసిందే. ఈ సినిమా కోసం దాదాపు మూడు నెలల పాటు షూటింగ్లో పాల్గొన్నానని తెలిపారు. అయితే తాను రోజుకు ఒకసారి మాత్రమే షూటింగ్లో పాల్గొనే దానిని మిగిలిన టైం అంతా పవన్ కళ్యాణ్ గారితో కలిసి క్యారవాన్ లోనే ఉండేదానిని అంటూ తెలియజేశారు.
పవన్ సార్ కి కనక బోర్ కొడితే నన్నే పిలిచేవారని ఆయనతో సరదాగా మాట్లాడుతూ పాటలు పాడటమే కాకుండా డాన్సులు కూడా చేసేదానినని తెలిపారు. ఇక ఆయన తినే ఫుడ్ నాకు కూడా పెట్టే వాళ్ళని తెలిపారు. పవన్ కళ్యాణ్ గారితో మూడు నెలలు షూటింగ్లో పాల్గొన్నామని ఆయన నన్ను బాగా ఎంకరేజ్ చేసేవారు అంటూ అశ్విని తెలిపారు.
ఇక ఈ సినిమా షూటింగ్లో పాల్గొని ఇంటికి వెళ్లిన తర్వాత కూడా నిద్రపోతే పవన్ కళ్యాణ్ గారితో నటిస్తున్నట్లే కలలు కూడా వచ్చేవని ఈమె తెలియజేశారు. ఇక ప్రస్తుతం పవన్ కళ్యాణ్ గారు నటిస్తున్న ఓజి సినిమా మంచి సక్సెస్ కావాలని ఈమె తెలియజేశారు. ఇక పవన్ కళ్యాణ్ గారితో మేము గడిపిన ఆ క్షణాలను ఆయన మర్చిపోయి ఉండొచ్చు కానీ నాకు మాత్రం ఎప్పటికీ గుర్తు ఉంటాయని అశ్విని (Ashwini Sree) ఈ సందర్భంగా చేసినటువంటి వ్యాఖ్యలు వైరల్ అవుతున్నాయి.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
Home