‘బిగ్ బాస్4’ బ్యూటీ అరియనా గురించి ప్రత్యేక పరిచయమవసరం లేదు. యాంకర్‌గా కెరీర్‌ను ప్రారంభించిన అరియానా గ్లోరీ…. సంచలనాల దర్శకుడు రాంగోపాల్ వర్మతో చేసిన ఇంటర్వ్యూతో పాపులారిటీని సంపాదించుకుంది. దాని ద్వారా వచ్చిన క్రేజ్ తో బిగ్‌బాస్‌లో అవకాశాన్ని దక్కించుకుంది.హౌస్ లో ఉన్నన్ని రోజులు అల్లరి చేస్తూ అలాగే టాస్క్ లు చాలా తెలివిగా ఆడుతూ ప్రేక్షకులను ఆకట్టుకుంది ఈ అమ్మడు. టాప్ 5 లిస్ట్ లో పేరు సంపాదించుకుని ఫైనల్స్ వరకు వెళ్ళింది.
ఇక హౌస్ నుండీ బయటకి వచ్చాక ఈ అమ్మడు వరుస షోలతో బుల్లితెర పై సందడి చేస్తూ వస్తుంది. మరోపక్క సోషల్ మీడియాలో కూడా యాక్టివ్‌గా ఉంటూ ఫోటోలను షేర్ చేస్తుంటుంది.ఇదిలా ఉండగా… వెంటిలేటర్ పై అరియానా ఉన్న ఫోటో ఒకటి ఇప్పుడు సోషల్ మీడియాలో వైరల్ అవుతుంది. ఈ ఫోటో ఆమె అభిమానులను ఒకింత ఆందోళనకి గురిచేసిందనే చెప్పాలి. అయితే కంగారు పడాల్సింది ఏమీ లేదు. ఇది షూటింగ్ లో భాగం మాత్రమే..!
మెగాస్టార్‌ చిన్నల్లుడు కళ్యాణ్ దేవ్‌ హీరోగా నటిస్తున్న సినిమాలో అరియానా ఓ పాత్ర పోషిస్తుంది.ఇందులో భాగంగానే ఆమె వెంటిలేటర్ పై పడుకుని ఉన్నట్టు తెలుస్తుంది. తన ఇన్స్టాగ్రామ్ స్టోరీస్ లో ఈ ఫోటోలను జతచేసింది. ఈమె ఇన్స్టా ఖాతాకి 6 లక్షల మంది ఫాలోవర్లు ఉండడంతో ఈ ఫోటో వెంటనే వైరల్ అయిపోయినట్టు స్పష్టమవుతుంది.ఏమైనా వెండితెర పై కూడా అలరించడానికి అరియానా రెడీ అయిపోయినట్టు స్పష్టంచేసింది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
