ప్రభాస్ హీరోగా బాలీవుడ్ దర్శకుడు ఓం రౌత్ ‘ఆదిపురుష్’ సినిమాను రూపొందిస్తోన్న సంగతి తెలిసిందే. ఈ సినిమాలో కీలకపాత్ర కోసం తాజాగా మరో నటుడిని ఎంపిక చేసుకున్నారు. హిందీ బిగ్ బాస్ సీజన్ 13 విన్నర్ గా నిలిచిన సిద్ధార్థ్ శుక్లా ఈ సినిమాలో మేఘనాధుడి పాత్రలో కనిపించనున్నాడు. ఎన్నో సీరియల్స్ లో నటించిన సిద్ధార్థ్ రెండు, మూడు బాలీవుడ్ సినిమాల్లో కూడా కనిపించారు. కానీ అవేవీ సరైన గుర్తింపును తీసుకురాలేకపోయాయి.
సల్మాన్ హోస్ట్ చేస్తోన్న బిగ్ బాస్ షోతో అతడు బాగా ఫేమస్ అయ్యాడు. హీరోల రేంజ్ లో అతడి పాపులారిటీ పెరిగింది. ఇక బుల్లితెరపై అతడొక స్టార్. డబ్బింగ్ సీరియల్ ‘చిన్నారి పెళ్లికూతురు’లో కలెక్టర్ పాత్రలో నటించి తెలుగు ప్రేక్షకులకు కూడా సుపరిచితుడయ్యాడు. ‘ఆదిపురుష్’ సినిమాలో మేఘనాధుడి పాత్రకు సిద్ధార్థ్ సూట్ అవుతాడని భావించిన దర్శకుడు అతడిని ఫైనల్ చేసినట్లు తెలుస్తోంది. పౌరాణిక నేపథ్యంలో ప్రేక్షకుల ముందుకు రాబోతున్న ఈ సినిమాలో ప్రభాస్ రాముడి పాత్రలో కనిపించనున్నారు.
రావణాసురుడిగా సైఫ్ అలీ ఖాన్, సీత పాత్రలో కృతి సనన్ నటిస్తున్నారు. ముంబైలో కొంతకాలం ఈ సినిమా షూటింగ్ జరిగింది. కానీ లాక్ డౌన్ కారణంగా హైదరాబాద్ లో షూట్ చేయాలనుకున్నారు. కానీ ఇక్కడ కూడా లాక్ డౌన్ అనౌన్స్ చేయడంతో షూటింగ్ నిలిచిపోయింది. మరో 90 రోజుల పాటు ఈ సినిమా షూటింగ్ ను నిర్వహించాల్సివుంది. మరి ప్లాన్ చేసినట్లుగా షూటింగ్ పూర్తి చేసి చెప్పిన సమయానికి సినిమాను రిలీజ్ చేస్తారో లేదో చూడాలి!
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
