దర్శకుడు వశిష్ట్ తన తొలి సినిమా ‘బింబిసార’తో సెన్సేషన్ క్రియేట్ చేశారు. కళ్యాణ్ రామ్ లాంటి హీరోతో ఇతడు తీసిన సోషియో ఫాంటసీ సినిమా బాక్సాఫీస్ వద్ద భారీ విజయాన్ని నమోదు చేసింది. మొదటి సినిమాకే కాంప్లికేటెడ్ సబ్జెక్టు తీసుకొని ప్రేక్షకులను అలరించే విధంగా చిత్రీకరించారు. దీంతో ఇండస్ట్రీలో వశిష్ట్ కి ఎక్కడా లేని డిమాండ్ ఏర్పడింది. ఇప్పటికే ‘బింబిసార2’ పనుల్లో బిజీగా ఉన్న అతడికి వరుస సినిమా అవకాశాలు వస్తున్నాయి.
అతడితో సినిమా చేయడానికి చాలా మంది హీరోలు, నిర్మాతలు ఇంట్రెస్ట్ చూపిస్తున్నారు. అతడు ఏకంగా సూపర్ స్టార్ రజినీకాంత్ తో సినిమా చేయడానికి ప్రయత్నించడం హాట్ టాపిక్ గా మారింది. ఇటీవల రజినీకాంత్ ని కలిసి ఒక కథ వినిపించి వచ్చారు వశిష్ట్. రజినీ కూడా సానుకూలంగానే స్పందించారు కానీ.. ఈ ప్రాజెక్ట్ ఎప్పుడు సెట్స్ పైకి వెళ్తుందో మాత్రం తెలియదు. మరోపక్క వశిష్ట్ ను దర్శకుడిగా పరిచయం చేస్తూ..
అల్లు శిరీష్ హీరోగా కొన్నేళ్లక్రితం ఒక సినిమా ప్లాన్ చేశారు. కానీ బడ్జెట్ ఇష్యూ రావడంతో గీతాఆర్ట్స్ సంస్థ వెనక్కి తగ్గింది. అయితే ఇప్పుడు ఈ యంగ్ డైరెక్టర్ తో ఒక సినిమా చేయడానికి అతడి నుంచి కమిట్మెంట్ తీసుకుంది గీతాఆర్ట్స్. అందులో హీరోగా శిరీష్ నటిస్తారా..? లేక ఇంకెవరైనానా..? అనే విషయంపై క్లారిటీ లేదు. ఇప్పుడు వశిష్ట్ నందమూరి బాలకృష్ణతో ఓ సినిమా చేయబోతున్నట్లు ఓ వార్త చక్కర్లు కొడుతోంది.
నందమూరి ఫ్యామిలీలో ఒక హీరోతో సినిమా చేసిన దర్శకుడు.. ఆ తరువాత అదే ఫ్యామిలీలో మరో హీరోతో సినిమా చేయడం చాలా సార్లు జరిగింది. కళ్యాణ్ రామ్ తో క్లోజ్ గా ఉండే బాలయ్యకు.. ‘బింబిసార’తో మెప్పించిన డైరెక్టర్ తో కలిసి పని చేయడానికి ఎలాంటి అభ్యంతరాలు ఉండే అవకాశం లేదు. ఆల్రెడీ బాలయ్యకు ఒక లైన్ కూడా చెప్పారని టాక్.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
Home