సినీ పరిశ్రమలో విజయమే కొలమానం. ఆర్టిస్టులైనా, టెక్నీషియన్లు అయినా విజయలక్ష్మి వరిస్తేనే ధనలక్ష్మి ఫాలో అవుతుంది. నిర్మాతలు క్యూ లో ఉంటారు. కానీ డైరక్టర్ బాబీ విషయంలో ఈ ఫార్ములా వర్కౌట్ కాలేదు. పవర్ సినిమాతో పరిశ్రమ పెద్దలను ఆకర్షించిన బాబీ.. పవన్ కళ్యాణ్ ని డైరక్ట్ చేసే అవకాశం అందుకున్నారు. ఎన్నో ఆశలు పెట్టుకున్న సర్ధార్ గబ్బర్ సింగ్ బాబీకి షాక్ ఇచ్చింది. అపజయం పాలై.. అవకాశాలను ఆమడ దూరం చేశాయి. ఎలాగోలా కష్టపడి.. మంచి స్క్రిప్ట్ సిద్ధం చేసుకొని.. ఎన్టీఆర్ ని ఒప్పించి జై లవకుశ తెరకెక్కించారు. తారక్ ని మూడు పాత్రల్లో చూపించి అటు కలక్షన్స్ ని , ఇటు అభినందనలని అందుకున్నారు. ఇక బాబీ వెంట హీరోలు, నిర్మాతలు పడుతారని అందరూ అనుకున్నారు.
కానీ అది జరగలేదు. ఒక్కరంటే ఒక్కరు కూడా బాబీ ఊసెత్తలేదు. కారణం తెలియదు గానీ అతన్ని పట్టించుకోవడం లేదు. ఇక ఏమి చేస్తాడు.. డైరక్షన్ అవకాశం కోసం తొలి నాళ్లలో తిరిగినట్లు మూడు స్క్రిప్టులు పట్టుకొని నిర్మాణ సంస్థల చుట్టూ, హీరోల చుట్టూ తిరుగుతున్నట్లు ఫిలిం నగర్ వాసులు చెప్పారు. అక్కినేని నాగచైతన్య డేట్స్ కోసం బాబీ కొన్ని రోజులుగా తిరుగుతున్నారని టాక్. అయితే అతను ఇంకా గ్రీన్ సిగ్నల్ఇవ్వలేదంట. అందుకే ఛలో మూవీతో టాక్ ఆఫ్ ది టాలీవుడ్ అయిన నాగశౌర్య కి ఓ కథ వినిపించారంట. అతని పిలుపు కోసం బాబీ ఎదురుచూస్తున్నారని సమాచారం. మరి ఎవరు బాబీ ఫేట్ మారుస్తారో చూడాలి.
