కొన్నేళ్ల క్రితం బాలీవుడ్ హీరోలు సౌత్ సినిమా ఇండస్ట్రీని, ఇక్కడి హీరోలను పట్టించుకునేవారు కాదు. సౌత్ హీరోలు తమకు పోటీ అని బాలీవుడ్ హీరోలు భావించేవారు కాదు. అయితే గత కొన్నేళ్లలో పరిస్థితులు పూర్తిగా మారిపోయాయి. రాజమౌళి, ప్రశాంత్ నీల్, మరి కొందరు దర్శకులు తెరకెక్కిస్తున్న సినిమాలు ప్రపంచవ్యాప్తంగా అంచనాలను మించి కలెక్షన్లను సాధిస్తున్నాయనే సంగతి తెలిసిందే. బాహుబలి, బాహుబలి2, సాహో సినిమాలు హిందీలో బ్లాక్ బస్టర్లుగా నిలిచి అక్కడ ప్రభాస్ క్రేజ్ ను పెంచాయి.
రాధేశ్యామ్ సినిమా బాలీవుడ్ ప్రేక్షకుల అంచనాలను అందుకోలేకపోయినా ప్రభాస్ కు ప్రేక్షకుల్లో ఉన్న క్రేజ్ తగ్గలేదు సరికదా అంతకంతకూ పెరుగుతూనే ఉంది. సలార్, ప్రాజెక్ట్ కే సినిమాలతో ప్రభాస్ బాలీవుడ్ లో సంచలనాలు సృష్టించడం ఖాయమని నెటిజన్లు కామెంట్లు చేస్తున్నారు. అయితే ప్రస్తుతం బాలీవుడ్ హీరోలు ప్రభాస్ క్రేజ్ ను వాడుకోవాలని ప్రయత్నిస్తున్నారు. బాలీవుడ్ హీరో రణబీర్ కపూర్ బ్రహ్మాస్త్ర సినిమా ప్రమోషన్స్ లో భాగంగా తాను సౌత్ సినిమాలకు పెద్ద ఫ్యాన్ అని సౌత్ సినిమాలు అంటే ఇష్టమని చెప్పుకొచ్చారు.
తనకు సౌత్ ఇండస్ట్రీలో చాలామంది ఫ్రెండ్స్ ఉన్నారని అయితే ఇష్టమైన హీరో ఎవరంటే మాత్రం ప్రభాస్ పేరు చెబుతానని ఆయన కామెంట్లు చేశారు. గతంలో సౌత్ హీరోల గురించి ఎక్కడా కామెంట్ చేయని రణబీర్ ప్రభాస్ క్రేజ్ ను క్యాష్ చేసుకుని బ్రహ్మాస్త్ర సినిమా హిట్టయ్యేలా చేసుకోవాలని అనుకుంటున్నారని కామెంట్లు వినిపిస్తున్నాయి. ప్రభాస్ ఫ్యాన్స్ ను ఆకర్షించడానికి రణబీర్ కపూర్ తెలివిగా కామెంట్లు చేశారని నెటిజన్లు అభిప్రాయపడుతున్నారు.
బ్రహ్మస్త్ర తెలుగులో బ్రహ్మాస్త్రం పేరుతో రిలీజ్ కానుండగా నాగార్జున, అలియా భట్ ఈ సినిమాలో కీలక పాత్రల్లో నటించారు. రాజమౌళి ఈ సినిమాను ప్రమోట్ చేస్తూ ఈ సినిమా సక్సెస్ సాధించడానికి ఎంతగానో కష్టపడుతున్నారు. బాలీవుడ్ సినిమాలు సౌత్ లో సక్సెస్ సాధిస్తాయో లేదో చూడాల్సి ఉంది.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
Home