టాలీవుడ్ లో స్టార్ కమెడియన్ గా గుర్తింపు తెచ్చుకున్నాడు బ్రహ్మానందం. ఏ హీరో సినిమా అయినా.. అందులో బ్రహ్మీ ఉండాల్సిందే. స్టార్ హీరోలు సైతం ఆయన కాల్షీట్స్ కోసం షూటింగ్ వాయిదా వేసిన రోజులున్నాయి. బ్రహ్మానందం క్రేజ్ అలాంటిది. అయితే ఈ మధ్యకాలంలో ఆయన సినిమాలు చేయడం బాగా తగ్గించారు. మొన్నామధ్య విడుదలైన ‘జాతిరత్నాలు’ సినిమాలో మాత్రం చిన్న పాత్రలో కనిపించారు. దాదాపు మూడేళ్లుగా ఇండస్ట్రీకి దూరంగా ఉన్న ఆయన.. తిరిగి మళ్లీ బిజీ అవ్వాలనుకుంటున్నారు.
ప్రస్తుతం ఆయన చేతిలో ఐదారు సినిమాలు ఉన్నాయని తెలుస్తోంది. అందులో ఒకటి పవన్ కళ్యాణ్ ‘భీమ్లానాయక్’ కావడం విశేషం. గతంలో బ్రహ్మానందం, పవన్ కళ్యాణ్ కలిసి కొన్ని సినిమాల్లో నటించారు. వీరిది హిట్ కాంబో. అయితే ‘భీమ్లానాయక్’ లాంటి సీరియస్ సినిమాలో బ్రహ్మీ లాంటి కమెడియన్ ను తీసుకున్నారంటే.. ఇందులో కూడా హిలేరియస్ ఎపిసోడ్స్ ఉన్నాయేమో అనిపిస్తుంది. ఈ సినిమాతో పాటు నితిన్ నటిస్తోన్న ‘మాచర్ల నియోజకవర్గం’ సినిమాలో నటిస్తున్నారు బ్రహ్మానందం.
రీసెంట్ గా బ్రహ్మీ ఈ సినిమా నుంచి తప్పుకున్నట్లు వార్తలు వచ్చాయి కానీ అందులో క్లారిటీ లేదు. ఇక కృష్ణవంశీ ‘రంగమార్తాండ’లో బ్రహ్మీ ప్రధాన పాత్ర పోషిస్తున్న సంగతి తెలిసిందే. ఇన్ని సినిమాలు చేతిలో ఉన్నప్పటికీ.. ఇంతకముందులా ఎక్కువ సినిమాలు మాత్రం చేయనని చెబుతున్నారు బ్రహ్మానందం. తన మనవడితో కలిసి ఆడుకోవడం, పెయింటింగ్ వేయడం తనకు ఎక్కువ ఆనందాన్ని ఇస్తున్నాయని బ్రహ్మీ రీసెంట్ గా ఓ ఇంటర్వ్యూలో చెప్పుకొచ్చారు.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
