నేచురల్ స్టార్ నాని హీరోగా వచ్చిన ‘కృష్ణగాడి వీర ప్రేమ గాథ’ చిత్రంతో టాలీవుడ్ కు ఎంట్రీ ఇచ్చింది మెహ్రీన్. ఈ చిత్రం తర్వాత వరుస ఆఫర్లు దక్కించుకుని… కొన్ని హిట్లు కూడా అందుకుంది. కానీ స్టార్ హీరోయిన్ ఇమేజ్ ను మాత్రం సొంతం చేసుకోలేకపోయింది. ఆ తరువాత ఆమెను వరుస ప్లాపులు వెంటాడాయి. దీంతో రేస్లో వెనుకపడింది. చివరికి సంక్రాంతికి వచ్చిన ‘ఎఫ్ 2’ చిత్రం బ్లాక్ బస్టర్ కావడంతో కాస్త ఊపిరి పీల్చుకుంది. బ్లాక్ బస్టర్ అందుకుంది కాబట్టి ఇక వరుస ఆఫర్లతో దూసుకుపోతుందని అందరూ అనుకున్నారు. కానీ ఈమెకు అవకాశాలు దక్కలేదు. దీనికి ముఖ్య కారణం ఆమె రెమ్యూనరేషన్ భారీగా డిమాండ్ చేయడమే అని టాక్ వినిపించింది.
ఇదిలా ఉండగా.. మళ్ళీ ఈమె సినిమాల్లో బిజీ అవుతుండడం విశేషం. ప్రస్తుతం ఈ బ్యూటీకి డిమాండ్ బాగా పెరిగింది. విజయ్ దేవరకొండ, క్రాంతి మాధవ్ కాంబినేషన్లో తెరకెక్కబోయే సినిమాతో పాటు నాగశౌర్య సినిమాకి కూడా సైన్ చేసింది. అలానే కళ్యాణ్ రామ్ తదుపరి చిత్రంలో కూడా మెహ్రీన్ ను అనుకుంటున్నారని సమాచారం. దీంతో పాటు ఓ పంజాబీ సినిమాలో నటించబోతుందట. వెంటనే కోలీవుడ్ ఎంట్రీ ఇచ్చేందుకు కూడా మెహ్రీన్ రెడీ అవుతుందట. ధనుష్ హీరోగా దురై సెంథిల్ డైరెక్ట్ చేయబోయే సినిమాలో మెహ్రీన్ మెయిన్ హీరోయిన్ గా తీసుకున్నారట. ఇలా వరుస ఆఫర్లు వస్తుండడంతో తన లుక్ ను కూడా మార్చుకోవాలని మెహ్రీన్ భావిస్తోందట. ఇందుకోసం సన్నబడి నాజుకుగా తయారవ్వాలని ఆమె ప్రయత్నిస్తుందట.
