సాధారణంగా మన స్టార్ హీరోస్ ని కొత్త దర్శకులకి అవకాశం ఎలా ఇచ్చారు అని ప్రశ్న అడిగితే మరో ఆలోచన లేకుండా “కథ నచ్చింది, దర్శకుడు కథ చెప్పిన విధానం నచ్చింది” అని సమాధానమిస్తుంటారు”. కానీ బద్రి సినిమా టైమ్ లో పవన్ కళ్యాణ్ ను అదే ప్రశ్న అడగ్గా.. “పూరీ నాకే తన రాసుకున్న అద్భుతమైన కథలో నటించే మంచి అవకాశం ఇచ్చాడు” అని చెప్పిన సమాధానం అప్పట్లో అందర్నీ విశేషంగా ఆకట్టుకుంది.
మళ్ళీ ఇన్నాళ్ల తర్వాత అదే తరహా సమాధానం చెప్పి అందరి మనసులోనూ సుస్థిర స్థానం సంపాదించుకున్నాడు విజయ్ దేవరకొండ. కెరీర్ తొలినాళ్లలో వరుసబెట్టి కొత్త డైరెక్టర్స్ కి అవకాశం ఇవ్వడమే కాదు.. ఇప్పుడు స్టార్ హీరో అయ్యాక కూడా భారత్ కమ్మ లాంటి కొత్త డైరెక్టర్ తో “డియర్ కామ్రేడ్” ఎలా చేస్తున్నారు అని అడిగినప్పుడు విజయ్ వెంటనే.. “కొత్త డైరెక్టర్లకి నేను ఛాన్స్ ఇవ్వడం లేదు. నేనెవ్వరు ఛాన్స్ ఇవ్వడానికి. భారత్ కమ్మ లాంటి ఒక దర్శకుడితో సినిమా చేయడం నేను అదృష్టంగా భావిస్తున్నాను. అతను మళ్ళీ నాతోనే ఇంకో సినిమా చేయాలని కోరుకొంటున్నాను” అని సమాధానమిచ్చాడు. ఇప్పటివరకూ విజయ్ దేవరకొండ యాటిట్యూడ్ కి మాత్రమే ఫ్యాన్స్ గా ఉన్న వాళ్ళందరూ ఇప్పుడు అతడి వ్యక్తిత్వానికి అభిమానులుగా మారిపోయారు.
