చేతిలో నాలుగు సినిమాలతో గతేడాది బిజీ బిజీగా గడిపిన చిరంజీవి ఈ ఏడాది ఆఖరికి వచ్చేసరికి ఒక్క సినిమా కూడా సెట్స్‌ మీద లేకుండా ఉన్నాడు. రెండు సినిమాలను మొన్నీమధ్య పుట్టిన రోజు నాడు అనౌన్స్‌ చేసినా.. ఇంకా ఏవీ షూటింగ్‌ ప్రారంభించుకోలేదు. తాజాగా ఓ సినిమా షూటింగ్‌కి సంబంధించిన అప్డేట్ ఒకటి బయటకు వచ్చింది. అయితే ఈ సమాచారం వల్ల చిన్న కన్‌ఫ్యూజన్‌ కూడా వచ్చింది. ఆగస్టు 22న చిరంజీవి పుట్టిన రోజు సందర్భంగా అనౌన్స్‌ చేసిన సినిమాల ప్రకారం…
చిరంజీవి లైనప్‌లో రెండు సినిమాలు ఉన్నాయి. పెద్ద కూతరు సుస్మిత నిర్మాణంలో ఓ సినిమా ఉండాలి. అది కాకుండా యూవీ క్రియేషన్స్‌ బ్యానర్‌లో ఓ సినిమా చేయాలి. ఈ మేరకు రెండు సినిమాలకు నెంబర్లు కూడా కేటాయించారు. సుస్మిత సినిమాకు 156 అయితే, యూవీ సినిమాకు 157 ఇచ్చారు. ఈ మేరకు త్వరలో షూటింగ్‌ ప్రారంభం అని కూడా చెప్పారు. అయితే లేటెస్ట్‌ అప్డేట్ ప్రకారం చూసుకుంటే ఈ నెంబర్లు మారుతాయేమో అనిపిస్తోంది.
ఈ అప్డేట్ చదివితే మీకూ ఇదే డౌట్‌ వస్తుంది. యూవీ క్రియేషన్స్‌ బ్యానర్‌లో చిరంజీవి నటించాల్సిన సినిమాకు మల్లిడి వశిష్ట దర్శకుడు అనే విషయం తెలిసిందే. ఈ సినిమాను నవంబరులో ప్రారంభిస్తారు అని అంటున్నారు. అయితే 156వ సినిమాకు సంబంధించి అప్పుడు దర్శకుడు ఎవరు అనేది చెప్పలేదు. కల్యాణ్‌కృష్ణ కురసాల ఆ సినిమాను డీల్‌ చేస్తారని తొలుత వార్తలొచ్చిన విషయం తెలిసిందే. ఈ రెండూ చూస్తే యూవీ సినిమా నెంబరు 156కి ఏమన్నా మారుతుందేమో అనే డౌట్‌ వ్యక్తమవుతోంది.
వశిష్ట సినిమా పోస్టర్‌ చూస్తే.. సగటు (Chiranjeevi) చిరంజీవి సినిమాలా లేదు. ఈ సినిమా కోసం చిరంజీవి ప్రయోగానికి సిద్ధమయ్యారు అని తెలుస్తోంది. సినిమాలో ఏం చూపిస్తారు అనేది చెప్పలేదు కానీ… ‘బింబిసార’ తరహాలో వశిష్ట మరో పెద్ద ప్రయత్నమే చేస్తున్నారు అనిపించింది. దీంతో ఈ సినిమా మీద అంచనాలు పెరిగాయి. ఇప్పుడు ఇదే సినిమా ముందు మొదలైతే అభిమానులకు ఆనందమే. కానీ సుస్మిత సినిమా దర్శకుడు ఎవరో అనేది తెలియాలి.
మంది పార్టిసిపెంట్స్ తో దుమ్ము లేచిపోయిన బిగ్ బాస్ సీజన్ 7 స్టేజ్..!
సీజన్ – 7 లో 5 బ్లండర్ మిస్టేక్స్ ఇవే..!
‘మిస్ శెట్టి మిస్టర్ పోలిశెట్టి’ తో పాటు ఈ వారం విడుదల కాబోతున్న 20 సినిమాలు/సిరీస్ ల లిస్ట్..!
