మెగాస్టార్ చిరంజీవి ఖైదీ నంబర్ 150 ఇచ్చిన విజయ ఉత్సాహంతో 151 సినిమాకు సిద్ధమవుతున్నారు. స్టైలిష్ డైరక్టర్ సురేందర్ రెడ్డి దర్శకత్వంలో రూపుదిద్దుకోనున్న ఈ చిత్రం నిన్న పూజా కార్యక్రమాలు జరుపుకుంది. భారీ బడ్జెట్ తో రామ్ చరణ్ నిర్మిస్తున్న ఈ మూవీ లోగోని చిరు పుట్టిన రోజు (ఆగస్టు 22)న రిలీజ్ చేయనున్నారు. అప్పుడే టైటిల్ విషయంలో ఓ క్లారిటీ రానుంది. అయితే స్వాతంత్ర సమరయోధుడు ఉయ్యాల వాడ నరసింహా రెడ్డి జీవితం ఆధారంగా తెరకెక్కుతోన్న ఈ ఫిలిం గురించి ఆసక్తికర విషయం బయటికి వచ్చింది.
ఇందులో తమిళ, కన్నడ, హిందీ చిత్ర పరిశ్రమలో పేరొందిన హీరోలు నటించనున్నట్లు తెలిసింది. బాలీవుడ్ సూపర్ స్టార్ అమితాబ్ బచ్చన్, కన్నడ సూపర్ స్టార్ సుదీప్, కోలీవుడ్ సూపర్ హీరో విజయ్ సేతు పతిలు కీలక రోల్స్ పోషించనున్నట్లు సమాచారం. తెలుగుతో పాటు ఇతర భాషల్లోనూ ఈ సినిమాకు కలక్షన్స్ పెరగాలని, ఆయా భాషల హీరోలను చిత్ర బృందం ఎంపిక చేసినట్లు టాలీవుడ్ వర్గాలు తెలిపాయి. ఈ వార్తల్లో ఎంతవరకు నిజముందో మరికొన్ని రోజుల్లో తెలియనుంది.
Also, do SUBSCRIBE to our YouTube channel to get latest Tollywood updates.
