ప్రముఖ టాలీవుడ్ కొరియోగ్రాఫర్ జానీ మాస్టర్ కు ఉన్న క్రేజ్ అంతా ఇంతా కాదు. ఈయన ఎలాంటి హీరోతో అయినా ఇరదీసే స్టెప్పులు వేయించడంలో సిద్ధహస్తుడు. దాదాపు టాలీవుడ్ హీరోలందరితోనూ ఈయన పనిచేసాడు. తక్కువ కాలంలోనే చాలా మంచి పేరు సంపాదించుకున్నాడు. ఎంతో మంది దర్శక నిర్మాతలు, హీరోలు ఈయన కాల్ షీట్లు కోసం ఎదురు చూస్తున్నారంటే ఈయన క్రేజ్ ఏ రేంజ్లో ఉందో ప్రత్యేకంగా చెప్పనక్కర్లేదు. అయితే జానీ మాస్టర్ జైలుకు వెళ్ళబోతున్నాడట. ఈ విషయం ప్రస్తుతం సోషల్ మీడియాలో తెగ వైరలవుతుంది.
వివరాల్లోకి వెళితే.. 2015లో చెక్ బౌన్స్ కేసుతో పాటూ మరికొన్ని కేసులు జానీ పై నమోదయ్యాయట. ఈ క్రమంలో సెక్షన్ 324, 354, 506 కింద జానీ పై కేసు నమోదైంది. ఇప్పుడు ఈ కేసులో తుది తీర్పు వచ్చిందట. సెక్షన్ 354 కేసుని మాత్రం కొట్టివేసిన కోర్టు 324, 506 సెక్షన్ల కింద నమోదైన కేసులలో మాత్రం జానీని మేడ్చల్ కోర్టులో దోషిగా తేల్చిందని సమాచారం. దీంతో జానీ మాస్టర్‌తో పాటు మరో ఐదుగురికి 6 నెలల జైలు శిక్షను విధించిందట. ఇక జానీ మాస్టర్ కొరియోగ్రఫీ చేయాల్సిన చిత్రాల దర్శక నిర్మాతలు .. ఇప్పుడు మరో కొరియోగ్రాఫర్ కోసం గాలిస్తున్నారట.
