టాలీవుడ్ లో యంగ్ టైగర్ ఎన్టీఆర్ మ్యానియా ఇప్పుడు పీక్స్ లో ఉంది అంటే ఎవరైనా ఒప్పుకుని తీరాల్సిందే. అయితే టాలీవుడ్ లో టాప్ హీరోల్లో ఒకరుగా ఉన్న ఎన్టీఆర్ గతంలో హిట్స్ విషయంలో కాస్త వెనుకబడినప్పటికీ తరువాత వరుస హిట్స్ తో దూసుకెళ్తున్నాడు. ఒకటి కాదు, రెండు కాదు వరుసగా హ్యాట్రిక్ హిట్స్ అందుకుని తన రేంజ్ ఎంతో మరోసారి అందరికీ రుచి చూపించాడు ఎన్టీఆర్. ఇదిలా ఉంటే తాజాగా సరికొత్తగా మూడు పాత్రల్లో ఎన్టీఆర్ విశ్వరూపాన్ని చూపించే క్రమంలో చేసిన ప్రయోగమే జైలవకుశ. ఇక ఈ సినిమా విషయమే తీసుకుంటే ఈ సినిమాలో ఎన్టీఆర్ మూడు పాత్రల్లో మెరవనున్నాడు. అందులో జై క్యారెక్టర్ గంభీరంగా కనిపిస్తే.. లవ క్యారెక్టర్ చాలా సాఫ్ట్‌గా కనిపిస్తుందట. మరి కుశ క్యారెక్టర్ ఎలా ఉండబోతుంది అంటే ఆ పాత్ర చాలా కామెడీ పాత్ర అంత.
అసలు ఆ పాత్రలో ఎన్టీఆర్ పండించే హాస్యానికి అందరూ పగలబడి నవ్వుతూ ఉంటారట సినిమా మొత్తం. ఇంకా చెప్పాలి అంటే ఈ సినిమా ఈ పాత్రలో ఎన్టీఆర్ కామెడీ చూస్తే అదుర్స్ సినిమాలో ఎన్టీఆర్ చేసిన చారి పాత్రను మించి ఉంటుందట ఈ కామెడీ. అయితే ఈ విషయాన్ని నిన్న జరిగిన ఆడియో వేడుకలో యాంకర్ సుమ అడగ్గా…ఈ విషయంపై మాట్లాడిన సినిమాటోగ్రాఫర్ ఛోటా.కె.నాయుడు స్టార్టింగ్ టు ఎండింగ్ నాన్ స్టాప్‌గా నవ్విస్తాడని తెలిపారు. మొత్తంగా చూసుకుంటే ఈ సినిమా అన్ని రుచులు కలిగి ఉన్న సినిమా అని చెప్పవచ్చు. మరి ఈ మూడు పాత్రల్లో ఎన్టీఆర్ ఎలా ఉన్నాడో చూడాలి అంటే మాత్రం మనం ఈ సినిమా రిలీజ్ వరకూ ఆగక తప్పదు. అది మరీ మ్యాటర్.
Also, do SUBSCRIBE to our YouTube channel to get latest Tollywood updates.
