ఎన్టీఆర్, ఏ.ఎన్.ఆర్ వంటి హీరోలు ఓ రేంజ్లో దూసుకుపోతున్న రోజులవి. మాస్ సినిమాలకు, పౌరాణిక సినిమాలకు ఎన్టీఆర్.. కేరాఫ్ అడ్రెస్ అయితే, ప్రేమకథా చిత్రాలకు, జానపథ చిత్రాలకు కేరాఫ్ అడ్రెస్ గా ఉండేవారు ఏ.ఎన్.ఆర్. ఆ టైములో వారికి వారే పోటీ అని అంతా ఫిక్సయిపోయారు. అయితే ఓ ఫ్యామిలీ హీరోగా ఎంట్రీ ఇచ్చిన శోభన్ బాబు వారికి చమటలు పట్టించాడు. కుటుంబ కథా చిత్రాలతో పాటు అప్పటి యూత్ ను ఆకట్టుకునే చిత్రాలు చేసి ఓ ట్రెండ్ సెట్ చేశారు.
అలా ఆయన స్టార్ గా ఎదిగారు. అందం, నటన రెండు ఈయనకు ప్లస్ అవ్వడంతో శోభన్ బాబు కూడా ఇండస్ట్రీని ఓ ఊపు ఊపేశారనే చెప్పాలి. ఈయనకు లేడీ ఫ్యాన్ ఫాలోయింగ్ కూడా ఓ రేంజ్లో ఉండేది. అయితే ఈయన సడెన్ గా సినిమాలు మానెయ్యడాన్ని అప్పట్లో చాలా మంది ప్రేక్షకులు జీర్ణించుకోలేకపోయారు. అసలు ఆయన సినిమాలు ఎందుకు మానేసినట్టు’ అనే విషయం ఇప్పటికీ చాలా మందికి తెలీదు.అయితే కమెడియన్ అలీ ఇటీవల పాల్గొన్న ఓ ఇంటర్వ్యూలో ఈ విషయం పై క్లారిటీ ఇచ్చారు..
“శోభన్ బాబు గారి సినిమాలో.. నాకు ఎనిమిదేళ్ల వయసున్నప్పుడే ఛాన్స్ వచ్చింది. ఆ తర్వాత ఆయనతో కలిసి ఓ హీరోగా కూడా చేశాను. ఆయన పక్కన హీరోగా చెయ్యాల్సి వచ్చినప్పుడు నేను చాలా బయపడ్డాను.కానీ ఆయన నాకు దైర్యం చెప్పారు. అలాంటి ఆయన సినిమాలు మానెయ్యడం ఏంటి అని నాకు అనిపించింది. దానికి ఆయన ఒక్కటే చెప్పారు. ‘అభిమానుల మనస్సులో నేను అందగాడిగానే ఉన్నాను. ఇప్పుడు ఒక ఏజ్ వచ్చింది. ఇన్నాళ్లు సినిమాలు చేసి అలరించాం.అది చాలు. మన స్థానం వారి గుండెల్లో ఎప్పటికీ అలాగే ఉండాలి’ అనే ఉద్దేశంతోనే ఆయన తప్పుకున్నారు” అంటూ అలీ చెప్పుకొచ్చారు.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
