అందం, అభినయం పుష్కలంగా ఉన్న టాలీవుడ్ హీరోయిన్లలో సాయిపల్లవి ఒకరనే సంగతి తెలిసిందే. ఈ యంగ్ హీరోయిన్ నటించిన రెండు సినిమాలు విడుదలకు సిద్ధంగా ఉన్నా కరోనా సెకండ్ వేవ్ వల్ల ఈ రెండు సినిమాల రిలీజ్ డేట్లు వాయిదా పడ్డాయి. నాగచైతన్యతో సాయిపల్లవి నటించిన లవ్ స్టోరీ సినిమా గత నెల 16వ తేదీన రిలీజ్ కావాల్సి ఉండగా కరోనా వల్ల ఈ సినిమా ఆ డేట్ కు రిలీజ్ కాలేదు.
మరోవైపు ఈ సినిమాకు ఓటీటీల నుంచి భారీ ఆఫర్లు వస్తున్నా లవ్ స్టోరీ నిర్మాతలు మాత్రం ఆ ఆఫర్ల విషయంలో పెద్దగా ఆసక్తి చూపడం లేదని తెలుస్తోంది. మరోవైపు రానాతో సాయిపల్లవి కలిసి నటించిన విరాటపర్వం సినిమా కూడా వాయిదా పడింది. ఈ సినిమా ఎప్పుడు రిలీజవుతుందో చెప్పలేని పరిస్థితి నెలకొంది. ఫిదా సినిమాతో టాలీవుడ్ కు ఎంట్రీ ఇచ్చిన సాయిపల్లవికి ఆ సినిమా తరువాత ఆ స్థాయిలో మరో సినిమా హిట్ కాలేదు.
లవ్ స్టోరీ సినిమాతో సాయిపల్లవి స్టార్ హీరోయిన్ రేసులోకి వస్తారని ఫ్యాన్స్ భావించగా రిలీజ్ డేట్ మారడంతో ఫ్యాన్స్ కు నిరాశే ఎదురైంది. సాయిపల్లవికి అన్నీ ఉన్నా అదృష్టం లేదని కొంతమంది ఫ్యాన్స్ అభిప్రాయపడుతుంటే మరి కొందరు ఫ్యాన్స్ మాత్రం సాయిపల్లవిని కరోనా కష్టాల్లోకి నెట్టిందని చెబుతున్నారు. ఈ సినిమాలతో పాటు శ్యామ్ సింగరాయ్ సినిమాలో కూడా సాయిపల్లవి నటిస్తున్నారు. ఈ ఏడాది సాయిపల్లవి నటించిన ఎన్ని సినిమాలు రిలీజవుతాయో ఆ సినిమాలలో ఎన్ని హిట్లు అవుతాయో చూడాల్సి ఉంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
