భారత క్రీడా చరిత్రలో తనకంటూ ఓ అధ్యాయాన్ని లిఖించుకుంది పీవీ సింధు. వరుసగా రెండు ఒలింపిక్స్ లో పతకాలు సాధించి లెజండరీ స్టేటస్ దక్కించుకుంది. 2016 రియో ఒలింపిక్స్ లో ఆమె రజతం గెలిచిన తరువాత ప్రముఖ నటుడు సోనూసూద్ ఆమె బయోపిక్ తో సినిమా చేయాలనుకున్నారు. దీనికోసం వర్క్ కూడా చేశారు. రెండేళ్లపాటు సినిమా స్క్రిప్ట్ వర్క్ జరిగింది. సింధుతో కలిసి సోనూసూద్ టీమ్ చాలా కాలం పని చేసింది. సింధు పాత్ర చేసే నటి కోసం వేట కూడా సాగింది.
కానీ ఏమైందో ప్రాజెక్ట్ సెట్స్ మీదకు వెళ్లలేదు. కరోనా మొదలైన తరువాత సోనూసూద్ సేవా కార్యక్రమాలతో బిజీ అవ్వడంతో ఈ బయోపిక్ పక్కకు వెళ్లిపోయింది. సింధు సినిమా గురించి మాట్లాడడం కూడా మానేశాడు. అయితే ఇప్పుడు ఈ ప్రాజెక్ట్ చేతులు మారుతున్నట్లు తెలుస్తోంది. నఈ సినిమాను నిర్మించడంతో పాటు లీడ్ రోల్ పోషించడానికి హీరోయిన్ దీపికా పదుకోన్ ముందుకు వచ్చినట్లు తెలుస్తోంది. నిజానికి తన పాత్రను దీపిక చేస్తే బాగుంటుందని సింధు గతంలో చెప్పింది.
ఈ మధ్యనే టోక్యోలో కాంస్యంతో మరో పతకాన్ని తన ఖాతాలో వేసుకొని తన స్థాయిని పెంచుకున్న సింధుని తాజాగా.. దీపికా, ఆమె భర్త రణవీర్ సింగ్ డిన్నర్ కు పిలిచారు. ఈ సమయంలోనే సింధు సినిమాపై ఒప్పందం కుదిరినట్లు తెలుస్తోంది. సోనూతో డీల్ క్యాన్సిల్ చేసుకొని తన సినిమాను దీపికా, రణవీర్ ల చేతికి సింధు అప్పగించనున్నట్లు బాలీవుడ్ లో వార్తలొస్తున్నాయి. దీనిపై అధికార ప్రకటన వస్తుందేమో చూడాలి!
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home