అనీల్ రావిపూడి దర్శకత్వంలో తెరకెక్కిన ‘ఎఫ్ 2’ సినిమా ఎంత పెద్ద సక్సెస్ అందుకుందో తెలిసిందే. వెంకీ, వరుణ్ తేజ్, తమన్నా, మెహ్రీన్ లు కలిసి నటించిన ఈ చిత్రాన్ని దిల్ రాజు నిర్మించారు. అతి తక్కువ బడ్జెట్ లో రూపొందించిన ఈ సినిమా దిల్ రాజుకి భారీ లాభాలను తీసుకొచ్చింది. ఇదే నమ్మకంతో ఈ సినిమాకి ఇప్పుడు సీక్వెల్ తెరకెక్కిస్తున్నారు. రీసెంట్ గా సినిమా పూజా కార్యక్రమాలు నిర్వహించారు. నిజానికి ఈ సినిమా ఈపాటికే మొదలుకావాలి కానీ కరోనా కారణంగా ఆలస్యమైంది. స్క్రిప్ట్ సిద్ధమైనప్పటికీ పట్టాలెక్కించి పరిస్థితి లేక దర్శకనిర్మాతలు ఎదురుచూశారు.
ఎట్టకేలకు ఈ సినిమాను లాంఛనంగా మొదలైంది. రెగ్యులర్ షూటింగ్ కి చిత్రబృందం సిద్ధంగా ఉంది. సినిమాను ఎప్పుడు రిలీజ్ చేయాలో కూడా టార్గెట్ ఫిక్స్ చేసుకున్నారట. వచ్చే ఏడాది వేసవికి ఈ సినిమాను రిలీజ్ చేయాలని దిల్ రాజు నిర్ణయించుకున్నాడట. ఇదే విషయాన్ని దర్శకుడు అనీల్ రావిపూడికి చెప్పి వీలైనంత తొందరగా షూటింగ్ పూర్తి చేయమని చెప్పారట. మూడు నెలల్లో సినిమా షూటింగ్ పూర్తి చేసి.. ఏప్రిల్ లో పోస్ట్ ప్రొడక్షన్ పనులు చేయాలనేది చిత్రబృందం ప్లాన్.
అన్నీ పనులు పూర్తి చేసి మే నాటికి ఫస్ట్ కాపీ సిద్ధం చేయాలని భావిస్తున్నారు. ఫ్యామిలీ ఎంటర్టైనర్ చిత్రాలకు సంక్రాంతి పండగ బాగా కలిసొస్తుంది. అది మిస్ అయితే ఇక వేసవి. వచ్చే సంక్రాంతికి సినిమా వచ్చే ఛాన్స్ లేదు అందుకే.. వేసవిని టార్గెట్ చేస్తుంది ‘ఎఫ్ 3’ బృందం. సినిమాలో హెవీ యాక్షన్ సీన్స్ లాంటివి ఉండవు.. మొత్తం కామెడీనే కాబట్టి అనీల్ తొందరగానే ఈ సినిమాను పూర్తి చేసే ఛాన్స్ ఉంది.
Most Recommended Video
