మెగాపవర్ స్టార్ రామ్ చరణ్ ‘ఆర్ఆర్ఆర్’ తరువాత శంకర్ దర్శకత్వంలో ఓ సినిమా చేస్తున్నారు. దీనిపై ప్రేక్షకుల్లో భారీ అంచనాలు నెలకొన్నాయి. దిల్ రాజు బ్యానర్ లో వస్తోన్న 50వ సినిమా కావడంతో దీన్ని చాలా ప్రతిష్టాత్మకంగా తీసుకున్నారు. భారీ బడ్జెట్ తో సినిమాను నిర్మిస్తున్నారు. టాలెంటెడ్ నటీనటులతో పాటు.. పేరున్న టెక్నీషియన్స్ ను ఈ సినిమా కోసం ఆన్ బోర్డ్ చేసుకున్నారు. ప్రస్తుతం ఈ సినిమా షూటింగ్ దశలో ఉంది.
నవంబర్ మొదటి వారంలో ఈ సినిమాకి సంబంధించిన ఓ షెడ్యూల్ ను న్యూజిలాండ్ లో చిత్రీకరించనున్నారు. ఈ షూటింగ్ లో రామ్ చరణ్, కియారా అద్వానీ పాల్గొనున్నారు. వీరిద్దరిపై ఓ పాటను చిత్రీకరించనున్నారు. దాదాపు పది రోజుల పాటు ఈ పాట చిత్రీకరణ ఉంటుందట. ఒక్క పాట కోసం అన్ని రోజులపాటు షూటింగ్ అంటే మామూలు విషయం కాదు. దర్శకుడు శంకర్ తన సినిమాల్లో పాటలను ఎంత గ్రాండియర్ గా చూపిస్తారో తెలిసిందే.
‘రోబో’, ‘శివాజీ’, ‘ఐ’ ఇలా చాలా సినిమాల్లో ఆయన పాటలు విజువల్ వండర్స్ అనే చెప్పాలి. ఇప్పుడు చరణ్ సినిమా విషయంలో కూడా ఎక్కడా రాజీ పడడం లేదు. న్యూజిలాండ్ లో డిఫరెంట్ లొకేషన్స్ లో ఈ పాటను చిత్రీకరించనున్నారు. ఈ ఒక్క పాట కోసం దిల్ రాజు అదనంగా రూ.8 కోట్లు ఖర్చు పెడుతున్నారట.
ఇప్పటికే ఈ సినిమా బడ్జెట్ దాటిపోయిందని సమాచారం. మొత్తం బడ్జెట్ ను యాభై శాతం షూటింగ్ అయ్యేసరికి ఖర్చు పెట్టేశారట శంకర్. మరి ఆయనతో సినిమా అంటే ఖర్చుతో కూడుకున్నదే. ఈ విషయం దిల్ రాజుకి కూడా తెలుసు. అందుకే బడ్జెట్ దాటిపోతున్నా.. ఆయన ఏం మాట్లాడడం లేదని తెలుస్తోంది. వచ్చే ఏడాదిలో ఈ సినిమా ప్రేక్షకుల ముందుకు రానుంది.
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home