Dil Raju: అత్యధిక థియేటర్లలో విడుదల కానున్న గుంటూరు కారం?

January 3, 2024 / 05:45 PM IST

సంక్రాంతి పండుగ అంటే ఎన్నో సినిమాలు ప్రేక్షకుల ముందుకు వస్తూ ఉంటాయి ఇలా చిన్న సినిమాల నుంచి మొదలుకొని పెద్ద సినిమాలు కూడా సంక్రాంతి పండుగ సందర్భంగా ప్రేక్షకుల ముందుకు వస్తూ ప్రేక్షకులను ఎంటర్టైన్ చేస్తుంటాయి. ఈ క్రమంలోనే ఈ సంక్రాంతికి కూడా భారీ స్థాయిలోనే సినిమాలు ప్రేక్షకుల ముందుకు రాబోతున్నాయి అయితే జనవరి 12వ తేదీ మహేష్ బాబు గుంటూరు కారం సినిమాతో పాటు మరొక సినిమా హనుమాన్ కూడా ప్రేక్షకుల ముందుకు రాబోతుంది.

ఈ సినిమా జనవరి 12వ తేదీ మహేష్ బాబు సినిమాకు పోటీగా విడుదల కాబోతుంది అయితే తాజాగా ఈ సినిమా విడుదల విషయంపై దిల్ రాజు హనుమాన్ సినిమాకు భారీ దెబ్బ కొట్టారనే చెప్పాలి ఈ సినిమా నైజాం హక్కులను దిల్ రాజు కొనుగోలు చేశారు అయితే నైజాం ఏరియాలో 96 సింగిల్ స్క్రీన్ థియేటర్లు ఉండగా అందులో 90 థియేటర్లు గుంటూరు కారం కోసం దిల్ రాజు (Dil Raju) బుక్ చేశారు.

కేవలం ఐదు ఆరు సింగిల్ థియేటర్లలో మాత్రమే హనుమాన్ సినిమా విడుదల కాబోతోంది. ఇలా బడా ప్రొడ్యూసర్ గా ఎంతో పేరు ప్రఖ్యాతలు సంపాదించుకున్నటువంటి దిల్ రాజు ఏకంగా గుంటూరు కారం సినిమా కోసం భారీ స్థాయిలో థియేటర్లను ఆక్రమించడంతో హనుమాన్ సినిమా ఎక్కువ థియేటర్లలో విడుదల అవడానికి ఆస్కారం లేకుండా పోయింది.

ఇలా తమ సినిమా మొదటి రోజు కేవలం ఆరేడు థియేటర్లకు మాత్రమే పరిమితం కావడం అంటే హనుమాన్ సినిమా నిర్మాతలకు భారీ నష్టమే అని చెప్పాలి. ఇక గుంటూరు కారం సినిమా విషయానికి వస్తే హారిక హాసిని క్రియేషన్స్ బ్యానర్ పై నిర్మితమైనటువంటి ఈ సినిమా త్రివిక్రమ్ డైరెక్షన్ లో ప్రేక్షకుల ముందుకు రాబోతుంది. ఇక ఈ సినిమాలో మహేష్ బాబు శ్రీ లీల హీరో హీరోయిన్లుగా నటిస్తున్నారు.