సంక్రాంతి వచ్చింది అంటే కొత్త సినిమాలతోనే పండుగను సెలబ్రేట్ చేసుకోవడానికి ప్రేక్షకులు ఆసక్తి చూపుతారు. అందుకే సంక్రాంతి సీజన్లో తమ సినిమాలు రిలీజ్ చేసుకోవాలని మేకర్స్ కూడా కర్చీఫ్ లు వేసుకుంటూ ఉంటారు.సంక్రాంతికి 4 సినిమాలు రిలీజ్ అయినా టాక్ తో సంబంధం లేకుండా ఆ 3 రోజులు అసాధారణమైన కలెక్షన్స్ ను సాధిస్తాయి. తర్వాత టాక్ బాగున్న సినిమాకి లాంగ్ రన్ ఉంటుంది. ఆ 4 సినిమాల్లో 2 పెద్ద సినిమాలు ఉన్నా థియేటర్స్ అడ్జస్ట్ చేయొచ్చు.
కానీ ఈ 2024 సంక్రాంతికి మాత్రం ఏకంగా 6 కి పైగా సినిమాలు రిలీజ్ కాబోతున్నట్లు ఇప్పటికే అధికారిక ప్రకటనలు వచ్చాయి.అయితే అన్ని సినిమాలకి జనాలు తమ పాకెట్లో ఉన్న డబ్బులు పెట్టడం కష్టమైన పనే..! మహేష్‌బాబు – త్రివిక్రమ్‌ల ‘గుంటూరు కారం’ , వెంకటేష్ ‘సైంధవ్‌’ , రవితేజ ‘ఈగిల్‌’,‘హను – మాన్‌’ , నాగార్జున ‘నా సామి రంగ’… ఇవి చాలవు అన్నట్టు ఇంకో 2 డబ్బింగ్ సినిమాలు కూడా సంక్రాంతికి రిలీజ్ కాబోతున్నట్లు అధికారిక ప్రకటనలు వచ్చాయి.
ఇన్ని సినిమాలకి థియేటర్స్ అడ్జస్ట్ చేయడం అనేది డిస్ట్రిబ్యూటర్స్ కి కూడా తలనొప్పి తెప్పించే టాస్క్. ఈ విషయంలో ఎందుకో ‘గిల్డ్’ ఇప్పటివరకు సైలెంట్ గా ఉంటూ వచ్చింది. కానీ ఇప్పుడు దిల్ రాజు.. ఈ సమస్యని తీర్చేందుకు ముందుకొస్తున్నట్టు సమాచారం. ఇందుకోసం.. డిసెంబర్ 25 లేదా 26 న సంక్రాంతికి రిలీజ్ డేట్లు అనౌన్స్ చేసిన దర్శకనిర్మాతలతో ఓ చిన్న మీటింగ్ ఏర్పాటు చేసి ..
ఇష్యు సాల్వ్ చేయాలని దిల్ రాజు నిశ్చయించుకున్నారట. సో డిసెంబర్ 26 , 27 నాటికి సంక్రాంతి సినిమాలు విడుదల విషయంలో ఓ క్లారిటీ రావచ్చు. ‘మరి ఎవరి సినిమాలు సంక్రాంతి రేసు నుండి తప్పుకుంటాయి?’ ‘అసలు ఈ సమస్య ఒక్క మీటింగ్లో తేలుతుందా లేక.. ఇంకో రెండు, మూడు మీటింగ్లు పడతాయా?’ అనేది తెలియాల్సి ఉంది.
మహేష్, చరణ్..లతో పాటు ఈ ఏడాది ఒక్క సినిమాతో కూడా ప్రేక్షకుల ముందుకు రాని హీరోల లిస్ట్
‘హాయ్ నాన్న’ నుండి ఆకట్టుకునే 18 డైలాగులు ఇవే..!
‘ఎక్స్ట్రా ఆర్డినరీ మెన్’ నుండి ఆకట్టుకునే 20 డైలాగులు ఇవే..!
Home