Dilraju: దసరా రన్ టైం అంత వచ్చిందా … దిల్ రాజు గ్రేట్!

April 3, 2023 / 07:04 PM IST

నేచురల్ స్టార్ నాని హీరోగా కీర్తి సురేష్ హీరోయిన్ గా శ్రీకాంత్ ఓదెల దర్శకత్వంలో తెరకెక్కిన పాన్ ఇండియా చిత్రం ‘దసరా’. ‘శ్రీ లక్ష్మీ వెంకటేశ్వర సినిమాస్’ బ్యానర్ పై సుధాకర్ చెరుకూరి నిర్మించిన ఈ చిత్రం మార్చి 30న తెలుగుతో పాటు తమిళ, హిందీ , మలయాళం , కన్నడ భాషల్లో గ్రాండ్ గా రిలీజ్ అయ్యింది. సముద్రఖని, సాయి కుమార్, ఝాన్సీ, పూర్ణ వంటి వారు కీలక పాత్రలు పోషించిన ఈ చిత్రంలో కన్నడ నటుడు దీక్షిత్ శెట్టి కూడా నాని ఫ్రెండ్ గా నటించారు.

మొదటి రోజు ఈ చిత్రానికి సూపర్ హిట్ టాక్ వచ్చింది. బాక్సాఫీస్ వద్ద ఈ మూవీ పెర్ఫార్మెన్స్ చాలా బాగుంది. ఈరోజుతో రూ.50 కోట్ల షేర్ క్లబ్ లో చేరే అవకాశం ఉంది. ఇదిలా ఉండగా.. దసరా చిత్రం సక్సెస్ క్రెడిట్ లో దిల్ రాజు కాంట్రిబ్యూషన్ చాలా ఉంది అని ఇన్సైడ్ టాక్. అసలు దిల్ రాజుకి దసరా కి సంబంధం ఏంటి అనే డౌట్ అందరికీ రావచ్చు. విషయం ఏంటి అంటే..

దసరా చిత్రాన్ని తెలుగు రాష్ట్రాల్లో విడుదల చేసింది దిల్ రాజే (Dilraju) . తాను డిస్ట్రిబ్యూట్ చేసే చిత్రాన్ని దిల్ రాజు మొదట చూసి మార్పులు చెప్పడం ఆనవాయితీ. ఇండస్ట్రీ జనాలు మరీ ముఖ్యంగా చిత్రం బృందానికి చెందిన వారు.. దిల్ రాజుకి ప్రత్యేకంగా షో వేస్తుంటారు. అలా దసరా చూసిన దిల్ రాజు 20 నిమిషాల సినిమాని కట్ చేయించారట.

లేకపోతే 3 గంటల పైనే రన్ టైం వచ్చినట్టు తెలుస్తోంది. ముఖ్యంగా సెకండ్ హాఫ్ ను జనాలు బోర్ గా ఫీల్ అయ్యారు. అయితే సెకండ్ హాఫ్ లో పావుగంట వరకు దిల్ రాజు ట్రిమ్ చేయించారని తెలుస్తుంది.