ఎన్టీఆర్ అంటే ఏమిటో చిన్నప్పుడే నిరూపించారు. ఆయన సత్తా ఏమిటో సినిమాలు స్పష్టం చేశాయి. ఇక డ్యాన్సులు అదరగొడుతారని దేశవ్యాప్తంగా జరిగిన సర్వేలు ప్రకటించాయి. ఇక ఎన్టీఆర్ తో కలిసి పని చేసిన ప్రతి ఒక్కరూ అతనిలోని గొప్పతనాన్ని చెప్పుకొచ్చారు. తాజాగా బాబీ ఎన్టీఆర్ తో జైలవకుశ సినిమా కోసం పనిచేస్తున్నారు. దాదాపు 50 రోజులుగా కలిసి పనిచేస్తున్నారు. ఈ మధ్య కాలంలో బాబీ ఎన్టీఆర్ లో గమనించిన విషయాన్నీ బయటికి చెప్పారు. ” ఎన్టీఆర్ ఎంత గొప్ప డాన్సరో .. అంత గొప్ప నటుడు. నేను మూడు నెలల క్రితం చెప్పిన కథలోని ప్రతి సన్నివేశాన్ని గుర్తు పెట్టుకుని, ఆ తరువాత వాటిని గురించి ఆయన ప్రస్తావించడం చూస్తే ఆశ్చర్యం వేస్తోంది.
ఎన్టీఆర్ జ్ఞాపక శక్తి కి హ్యాట్సాఫ్. ‘జై లవ కుశ’ సినిమా షూటింగును 50 రోజులుగా చేస్తున్నాం. ఇన్ని రోజుల్లో మరో టేక్ చేద్దామనే అవకాశం నాకు ఎన్టీఆర్ ఇవ్వలేదు. సింగిల్ టేక్ లోనే డైరెక్టర్ ఆశించే అవుట్ పుట్ ను ఇవ్వడం ఎన్టీఆర్ కే సాధ్యం” అని వెల్లడించారు. అటువంటి నటుడితో కలిసి పనిచేయడం తన అదృష్టమని చెప్పారు. ఎన్టీఆర్ బ్యానర్లో కళ్యాణ్ రామ్ నిర్మిస్తున్న జై లవకుశ సినిమా సెప్టెంబర్ 1 న థియేటర్లోకి రావాలని బాబీ బృందం శ్రమిస్తోంది.
Also, do SUBSCRIBE to our YouTube channel to get latest Tollywood updates.
