మెగాస్టార్ చిరంజీవి నటించిన వాల్తేరు వీరయ్య మూవీ థియేటర్లలో విడుదల కావడానికి మరో 18 రోజుల సమయం మాత్రమే ఉంది. ఈ సినిమా షూటింగ్ కు సంబంధించిన పనులు దాదాపుగా పూర్తయ్యాయి. సంక్రాంతి పండుగ సినిమాలలో ఆలస్యంగా రిలీజవుతున్న పెద్ద సినిమా ఇదే కావడం గమనార్హం. ఈ సినిమాకు ప్రమోషన్స్ బాగానే జరుగుతున్నా ఈ మూవీ ప్రమోషన్స్ లో వేగం మరింత పెరిగితే బాగుంటుందని ఫ్యాన్స్ భావిస్తున్నారు.
తాజాగా మెగా ఫ్యాన్స్ మీటింగ్ జరగగా ఆ మీటింగ్ లో ఈ సినిమా దర్శకుడు బాబీ మాట్లాడుతూ చిరంజీవి ఇప్పటికే వాల్తేరు వీరయ్య ఫైనల్ వెర్షన్ చూశారని సినిమా బ్లాక్ బస్టర్ అని చిరంజీవి చెప్పారని బాబీ కామెంట్లు చేశారు. వాల్తేరు వీరయ్య సినిమాలో సముద్రంలో కూడా కొన్ని సీన్స్ ఉన్నాయని ఆ సీన్స్ సినిమాకు హైలెట్ గా నిలుస్తాయని బాబీ అభిప్రాయం వ్యక్తం చేశారు. చిరంజీవికి నేను వీరాభిమానినని బాబీ తెలిపారు.
మెగాస్టార్ అంటే ఏంటో వాల్తేరు వీరయ్య మూవీ చూపిస్తుందని బాబీ అభిప్రాయం వ్యక్తం చేశారు. బాస్ మూవీ కచ్చితంగా బ్లాక్ బస్టర్ హిట్ అవుతుందని బాబీ అభిప్రాయపడ్డారు. ఈ సినిమా విషయంలో ఎక్కడా రాజీ పడలేదని బాబీ కామెంట్లు చేశారు. బాబీ చేసిన కామెంట్లు ఫ్యాన్స్ కు సంతోషాన్ని కలిగించాయి. ఎక్కువ సంఖ్యలో థియేటర్లలో మూవీ రిలీజవుతుందని నాగబాబు అన్నారు. అభిమానులు నిర్మాతలతో గొడవ పడొద్దని నాగబాబు కామెంట్లు చేశారు.
జనవరి నెల 8వ తేదీన ఈ సినిమా ప్రీ రిలీజ్ ఈవెంట్ జరగనుండగా ఈ ఈవెంట్ కోసం మెగా ఫ్యాన్స్ ఆసక్తిగా ఎదురుచూస్తున్నారు. 140 కోట్ల రూపాయల అత్యంత భారీ బడ్జెట్ తో ఈ సినిమా తెరకెక్కగా భారీ మల్టీస్టారర్ గా తెరకెక్కిన ఈ సినిమా కోసం మాస్ మహారాజ్ రవితేజ అభిమానులు ఆసక్తిగా ఎదురుచూస్తున్నారు. ఈ సినిమా బాక్సాఫీస్ రిజల్ట్ ఏ విధంగా ఉంటుందో చూడాల్సి ఉంది.
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
