మెగా మల్టీ స్టారర్ మూవీకి దర్శకుడిగా త్రివిక్రమ్ ఖరారు

కొన్ని రోజులుగా మెగా మల్టీ స్టారర్ మూవీ తెలుగు ప్రేక్షకులను ఊరిస్తోంది. ప్రముఖ వ్యాపారవేత్త, ఎంపీ టి. సుబ్బిరామిరెడ్డి ఈ భారీ చిత్రాన్ని నిర్మిస్తున్నట్లు ప్రకటించగానే మెగా అభిమానుల్లో ఆనందం వెల్లివిరిసింది. ఆ తర్వాత పవన్ ఆ ప్రాజక్ట్ గురించి తెలియదనగానే నిరుత్సాహపడ్డారు. కళాబంధు సుబ్బిరామిరెడ్డి మాత్రం చిరంజీవి, పవన్ కళ్యాణ్ ని ఒకే సినిమాలో చూపించాలనే ప్రయత్నం ఆపలేదు. దాదాపు రెండు నెలలు సుదీర్ఘ చర్చల అనంతరం ఈ ప్రాజక్ట్ కొలిక్కి వచ్చింది. ఈ సినిమాని దర్శకత్వం వహించడానికి త్రివిక్రమ్ ఒకే చెప్పారు. ఆయన డైరక్షన్ లో నటించడానికి మెగా బ్రదర్స్ గ్రీన్ సిగ్నల్ ఇచ్చారు. ఈ సంగతిని సుబ్బిరామిరెడ్డి అందరితో పంచుకున్నారు.

” మెగా బ్రదర్స్ సినిమా త్వరలో సెట్స్ మీదకు వెళ్తుంది అని చెప్పడానికి చాల ఆనందంగా ఉంది. హారిక అండ్ హాసిని క్రియేషన్స్ తో కలిసి ఈ చిత్రాన్ని నిర్మిస్తున్నాను. చిరంజీవి, పవన్ కళ్యాణ్ వారి ప్రాజక్ట్స్ లో బిజీగా ఉన్నారు. వాటి నుంచి బయటికి రాగానే ఈ సినిమాలో పాలుపంచుకుంటారు” అని వెల్లడించారు. ప్రస్తుతం చిరు ఉయ్యాలవాడ నరసింహా రెడ్డి, పవన్ కళ్యాణ్ 25 వ సినిమా షూటింగ్ లో బిజీగా ఉన్నారు. ఈ చిత్రాల తర్వాత మెగా మల్టీ స్టారర్ మూవీ ప్రకటన వెలువడనుంది.

Also, do SUBSCRIBE to our YouTube channel to get latest Tollywood updates.