అక్కినేని మల్టీస్టారర్ కు దర్శకుడు అతనేనా?

July 25, 2022 / 02:10 PM IST

ఈ మధ్య కాలంలో అక్కినేని హీరోలు నటిస్తున్న సినిమాలు హిట్ అవుతున్నా రికార్డులు క్రియేట్ అయ్యే స్థాయిలో కలెక్షన్లను ఈ సినిమాలు సొంతం చేసుకోవడం లేదు. స్టార్ హీరో నాగార్జున కెరీర్ కూడా ఆశాజనకంగా లేదు. ఈ మధ్య కాలంలో బంగార్రాజు మినహా నాగ్ నటించిన సినిమాలేవీ ఆశించిన స్థాయిలో సక్సెస్ ను సొంతం చేసుకోలేదు. ది ఘోస్ట్ సినిమాతో మరో బ్లాక్ బస్టర్ ఖాతాలో వేసుకోవాలని నాగ్ భావిస్తున్నారు.

ప్రవీణ్ సత్తారు డైరెక్షన్ లో తెరకెక్కిన ది ఘోస్ట్ సినిమాతో నాగ్ కోరుకున్న సక్సెస్ దక్కుతుందో లేదో చూడాల్సి ఉంది. అయితే చైతన్య అఖిల్ కాంబినేషన్ లో ఒక సినిమా తెరకెక్కనుందని వార్తలు జోరుగా ప్రచారంలోకి వస్తున్నాయి. శ్రీకాంత్ అడ్డాల డైరెక్షన్ లో ఈ సినిమా తెరకెక్కనుందని ఇండస్ట్రీ వర్గాల్లో వినిపిస్తోంది. అయితే అధికారికంగా ఈ ప్రాజెక్ట్ కు సంబంధించి ప్రకటన వెలువడాల్సి ఉంది. కథ కొత్తగా ఉండటంతో చైతన్య, అఖిల్ ఈ సినిమాకు గ్రీన్ సిగ్నల్ ఇచ్చారని ఇండస్ట్రీ వర్గాల్లో వినిపిస్తోంది.

నాగార్జున సూచనల ప్రకారం దర్శకుడు కథలో కీలక మార్పులు చేశారని తెలుస్తోంది. కొత్త బంగారు లోకం, సీతమ్మ వాకిట్లో సిరిమల్లె చెట్టు సినిమాలతో దర్శకునిగా పాపులారిటీని సంపాదించుకున్న శ్రీకాంత్ అడ్డాలకు ఆ తర్వాత సినిమాల ఫలితాలు భారీ షాకిచ్చాయి. బ్రహ్మోత్సవం సినిమా ఫలితం వల్ల శ్రీకాంత్ అడ్డాలకు ఆఫర్లు తగ్గాయి.

నారప్ప సినిమాతో శ్రీకాంత్ అడ్డాల సక్సెస్ సాధించినా ఈ సినిమా రీమేక్ అనే సంగతి తెలిసిందే. శ్రీకాంత్ అడ్డాల తర్వాత ప్రాజెక్ట్ లతో ఎలాంటి ఫలితాలను అందుకుంటారో చూడాల్సి ఉంది. స్ట్రెయిట్ కథతో శ్రీకాంత్ అడ్డాల భారీ సక్సెస్ ను సొంతం చేసుకుంటే శ్రీకాంత్ అడ్డాలకు సినిమా ఆఫర్లు పెరిగే ఛాన్స్ అయితే ఉంటుంది. కెరీర్ విషయంలో శ్రీకాంత్ అడ్డాల ఆచితూచి అడుగులు వేస్తున్నారు.