నాగ్ అశ్విన్ తర్వాత.. ఆ డైరెక్టర్ తోనే ప్రభాస్ సినిమా..!

March 19, 2020 / 09:57 PM IST

యంగ్ రెబల్ స్టార్ ప్రభాస్ ప్రస్తుతం ‘జిల్’ ఫేమ్ రాధా కృష్ణ కుమార్ డైరెక్షన్లో తన 20వ చిత్రాన్ని చేస్తూ బిజీగా ఉన్నాడు. ఇటీవల జార్జియాలో ఓ షెడ్యూల్ ను పూర్తి చేసుకుని తిరిగి హైదరాబాద్ వచ్చారు… చిత్ర యూనిట్ సభ్యులు. ఇక ఈ చిత్రం పూర్తయిన వెంటనే ‘మహానటి’ దర్శకుడు నాగ్ అశ్విన్ తో తన 21 వ చిత్రం చేయడానికి ప్రభాస్ రెడీ అవుతున్నాడు. ప్రస్తుతం స్క్రిప్ట్ పనుల్లో బిజీగా గడుపుతున్నాడు దర్శకుడు నాగ్ అశ్విన్. ప్రతిష్టాత్మక ‘వైజయంతి మూవీస్’ బ్యానర్ పై అశ్విని దత్ ఈ చిత్రాన్ని నిర్మించబోతున్నారు. ఇక ఈ చిత్రం తర్వాత ప్రభాస్ ఏ డైరెక్టర్ తో సినిమా చేస్తాడు అనే ఆసక్తి అందరికీ ఉన్నప్పటికీ.. ఆయన ఇప్పుడు అన్నీ హై బడ్జెట్ మూవీస్ చేస్తున్నాడు కాబట్టి… ఇప్పుడు అనౌన్స్ చేసిన సినిమాలు పూర్తవ్వడానికి 2022 కూడా పూర్తయిపోయినా ఆశ్చర్యపడనక్కర్లేదు.

Director Fixed For Prabhas 22 Movie1

అయినప్పటికీ ప్రభాస్ తో సినిమా చెయ్యాలని దర్శక నిర్మాతలు ఉవ్విళ్లూరుతున్నారు. ఎందుకంటే ఈయనతో సినిమా చేస్తే పాన్ ఇండియా లెవెల్లో పాపులర్ అయిపోవచ్చు. మిగిలిన వాళ్ళ సంగతి తెలీదు కానీ.. ‘అర్జున్ రెడ్డి’ దర్శకుడు సందీప్ రెడ్డి కి మాత్రం ఎక్కువ ఆకాశాలే ఉన్నట్టు తెలుస్తుంది. ఎప్పటి నుండో ప్రభాస్ సినిమా చెయ్యాలని ట్రై చేస్తున్నాడు.. ఈ దర్శకుడు ఆల్రెడీ బాలీవుడ్ లో బ్లాక్ బస్టర్ కొట్టాడు కాబట్టి.. ఈ ప్రాజెక్ట్ పై హైప్ పెరిగి ఎక్కువ బిజినెస్ జరిగే అవకాశం కూడా ఉంది. ఇప్పటికే ప్రభాస్ ను కలిసి లైన్ చెప్పాడట సందీప్. పూర్తి స్క్రిప్ట్ రెడీ చేసే పనిలో సందీప్ బిజీగా ఉన్నాడట. ‘టి.సిరీస్’ మరియు ‘మైత్రి మూవీ మేకర్స్’ నిర్మాణ సంస్థలు కలిసి ఈ ప్రాజెక్ట్ ను నిర్మించే అవకాశం ఉందని తెలుస్తుంది.