బ్లాక్ బస్టర్ కాంబినేషన్ దక్కించుకున్న మాస్టర్ డైరెక్టర్..!

కోలీవుడ్ కి రెండు కళ్లుగా ఉన్నారు కమల్ హాసన్ మరియు రజిని కాంత్. దాదాపు ఒకే సమయంలో కెరీర్ మొదలుపెట్టిన వీరు దేశం మెచ్చిన హీరోలుగా ఎదిగారు. కెరీర్ బిగినింగ్ లో దిగ్దర్శకుడు కె. బాలచందర్ దర్శకత్వంలో అధ్బుతమైన చిత్రాల్లో కలిసి నటించారు. చాలా కాలం తరువాత వీరిద్దరూ కలిసి ఓ చిత్రం చేయనున్నారు. ఐతే ఇద్దరు కలిసి హీరోలుగా కాదు. కమల్ హాసన్ నిర్మాణంలో రజిని కాంత్ హీరోగా ఈ చిత్రం తెరకెక్కనుంది.

కమల్ హాసన్ సొంత నిర్మాణ సంస్థ రాజ్ కమల్ ఫిల్మ్స్ ఇంటర్నేషల్ పతాకంపై రజని హీరోగా ఈ ప్రాజెక్ట్ తెరకెక్కనుంది. ఐతే ఈ చిత్ర దర్శకుడు ఎవరనే దానిపై ఒక స్పష్టత వచింది. ఖైదీ చిత్రంతో సూపర్ టాలెంటెడ్ డైరెక్టర్ గా పేరుతెచ్చుకున్న లోకేష్ కనకరాజ్, ఈ చిత్ర దర్శకుడిగా వ్యవహరించనున్నారు. దీనిపై అధికారిక ప్రకటన లేకున్నప్పటికీ తాజా ఇంటర్వ్యూలో లోకేష్ దీనిపై హింట్ ఇచ్చారు. దీనితో కమల్-రజిని- లోకేష్ కనగరాజ్ కాంబోలో మూవీ ఖాయమే అంటున్నారు.

ప్రస్తుతం వీరు ముగ్గరు తమ తమ ప్రాజెక్ట్స్ లో బిజీగా ఉన్నారు. కమల్ హాసన్ దర్శకుడు శంకర్ తో భారతీయుడు 2 మూవీ చేస్తున్నారు. ఇక రజిని దర్శకుడు శివతో అన్నాత్తే అనే మూవీలో నటిస్తున్నారు. దర్శకుడు లోకేష్ కనకరాజ్ హీరో తలపతి విజయ్ తో మాస్టర్ మూవీ చేస్తున్నారు . కమల్ భారతీయుడు మరియు లోకేష్ తెరకెక్కిస్తున్న మాస్టర్ చిత్రీకరణ చివరి దశలో ఉన్నాయి. త్వరలో విడుదల కానున్నాయి. ఇక ఈ క్రేజీ పోజెక్టు వచ్చే ఏడాది సెట్స్ పైకి వెళ్లనుంది.

Most Recommended Video

మొహమాటం లేకుండా తమ సినిమాలు ప్లాప్ అని ఒప్పుకున్న హీరోల లిస్ట్…!
మన తెలుగు సినిమాలు ఏవేవి బాలీవుడ్లో రీమేక్ అవ్వబోతున్నాయంటే?
క్రేజీ హీరోలను లాంచ్ చేసే అవకాశాన్ని మిస్ చేసుకున్న డైరెక్టర్లు?