డైరక్టర్ చందు మొండేటి దర్శకత్వంలో నాగ చైతన్య సవ్యసాచి చేస్తున్నారు. మైత్రీ మూవీస్ వారు నిర్మిస్తున్న ఈ మూవీ షూటింగ్ పూర్తిచేసుకుంది. పోస్ట్ ప్రొడక్షన్ జరుపుకుంటోంది. దీంతో మారుతి దర్శకత్వంలో చేస్తున్న ‘శైలజా రెడ్డి అల్లుడు’ సినిమాని కంప్లీట్ చేసే పనిలో చైతూ పడ్డారు. రెండు రోజుల క్రితం మొదలయిన షెడ్యూల్లో సాంగ్ ని చిత్రీకరిస్తున్నారు. ప్రముఖ కొరియోగ్రఫర్ శేఖర్ మాస్టర్ ఈ సాంగ్ కి డాన్స్ కంపోజ్ చేశారు. జోష్ గా ఈ షూటింగ్ సాగుతోంది. దీనిపై మారుతి స్పందించారు. “చైతూ సూపర్ ఎనర్జిటిక్ డ్యాన్సులు చేశారు. అతని స్టెప్పులు యువతతో విజిల్స్ వేయిస్తాయి” అని ధీమాగా చెప్పారు.
ఒక కాలేజీ నేపథ్యంలో సాగే ఈ సినిమాలో అన్ని కమర్షియల్ ఎలిమెంట్స్ ఉన్నాయని డైరక్టర్ స్పష్టం చేశారు. ఈ సినిమాకి గోపీసుందర్ 5 పాటలు అందించారు. అందులో ఒకటి సంగీత్ సందర్భంలో వస్తుంది. ఆ పాటనే ప్రస్తుతం చిత్రీకరిస్తున్నారు. ఈ పాట కోసం కోటి రూపాయలు ఖర్చు చేస్తున్నట్లు తెలిసింది. ఈ షూటింగ్లో చిత్రంలోని ప్రధాన నటీనటులందరూ పాల్గొంటున్నారు. చైతూకి జోడీగా అను ఇమ్మాన్యుయేల్ నటిస్తున్న ఈ చిత్రంలో శైలజా రెడ్డి గా రమ్యకృష్ణ అలరించనుంది.
Home