మెగాహీరో సాయి తేజ్ హీరోగా నటించిన ‘ప్రతిరోజు పండగే’ సినిమాతో సక్సెస్ అందుకున్న దర్శకుడు మారుతి తన తదుపరి సినిమా ఏ హీరోతో చేయబోతున్నాడనే విషయంలో క్లారిటీ రాలేదు. ఇంటర్వ్యూలలో కూడా మారుతి తన తదుపరి సినిమా వివరాల గురించి వెల్లడించలేదు. ఓ భారీ బడ్జెట్ సినిమా తీస్తానని మాత్రం చెప్పాడు. అయితే ఈసారి కూడా మారుతి మెగా కాంపౌండ్ హీరోతోనే సినిమా తీస్తున్నాడని సమాచారం. ఇప్పటికే మెగా ఫ్యామిలీలో అల్లు శిరీష్, సాయి తేజ్ లను డైరెక్ట్ చేసిన మారుతి ఇప్పుడు వరుణ్ తేజ్ ని డైరెక్ట్ చేయడానికి సిద్ధమవుతున్నాడట.
మొదటినుండి కూడా వరుణ్ తేజ్ వైవిధ్యమైన కథలను ఎన్నుకుంటూ ముందుకు వెళ్తున్నాడు. కెరీర్ పరంగా వరుణ్ తేజ్ మంచి స్థాయిలోనే ఉన్నాడు. ప్రస్తుతం అతడు ‘బాక్సర్’ సినిమాతో బిజీగా గడుపుతున్నాడు. ఈ సినిమా కోసం స్పెషల్ బాక్సింగ్ ట్రైనింగ్ తీసుకుంటున్నాడు. ఈ సినిమా తరువాత మారుతితో సినిమా చేయనున్నాడని అంటున్నారు. అయితే దీనిపై ఎలాంటి అధికార ప్రకటన రాలేదు. మరి వీరి కాంబోలో సినిమా అంటే ఎలాంటి కథ వస్తుందో చూడాలి!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
