టీజర్ విడుదలైనప్పటి నుండీ ‘సాహో’ సందడి మరింతగా పెరిగింది. ఈ టీజర్ తో సినిమా పై అంచనాలు ఆకాశాన్నంటుతున్నాయి. రెండేళ్లుగా ప్రభాస్ అభిమానులు ఈ చిత్రం కోసం ఎంతో ఆసక్తితో ఎదురుచూస్తున్నారు. సుజిత్ డైరెక్షన్లో తెరకెక్కిన ఈ చిత్రంలో శ్రద్ధా కపూర్ హీరోయిన్ గా నటిస్తుంది. ఇక ఈ చిత్రం షూటింగ్ దాదాపు పూర్తికావచ్చిందట. త్వరలో పాటల చిత్రీకరణ కూడా పూర్తికానుందని సమాచారం. యూవీ క్రియేషన్స్ బ్యానర్ పై వంశీ, ప్రమోద్ లు ఈ చిత్రాన్ని దాదాపు 300 కోట్ల బడ్జెట్ తో నిర్మించారు.
ఇక ఈ చిత్రం గురించి దర్శకుడు సుజీత్ తాజా మాట్లాడాడు. “నిజానికి ఇది నా అనుభవానికి మించిన బాధ్యత. నన్ను నమ్మి ఇంతటి బాధ్యతను నిర్మాతలు నాకు అప్పగించారు. ప్రభాస్ గొప్ప స్టార్ అయినప్పటికీ ఆయన కూడా నన్ను నమ్ముతూ ప్రాజెక్టును ముందుకు నడిపిస్తూ వస్తున్నారు. ఆయన చాలా కూల్ హీరో .. ఏ రోజునా నన్ను టెన్షన్ పెట్టలేదు. కానీ విడుదల తేదీ దగ్గర పడుతున్న కొద్దీ నాలో టెన్షన్ పెరుగుతోంది. ఇది అందరి దర్శకులకి ఉండే టెన్షనే. ఆగస్టు 15న విడుదల కానున్న ఈ సినిమా భారీ విజయాన్ని సొంతం చేసుకుంటుందనే నమ్మకం వుంది” అంటూ చెప్పుకొచ్చాడు.
Home