సుకుమార్ రైటింగ్స్ పేరుతో ఓ బ్యానర్‌ పెట్టి… తన శిష్యుల్ని దర్శకులుగా పరిచయం చేస్తున్నారు ప్రముఖ దర్శకుడు సుకుమార్. ఇప్పటికే ఇద్దరు ఇలా రాగా, మూడో శిష్యుడు త్వరలో వస్తాడని తెలుస్తోంది. అంతే కాదు త్వరలో మరికొంతమంది శిష్యుల్ని దర్శకుల్ని చేయబోతున్నారు సుకుమార్. దీని కోసం సుకుమార్ సొంతంగా సినిమాలు తీయడంతోపాటు, ఇతర నిర్మాణ సంస్థలతో కలసి పని చేస్తున్నారు. ఇప్పుడు సుకుమార్ రైటింగ్స్ బాధ్యతలు సుక్కూ భార్య తబితా చూడబోతున్నారట.
సుకుమార్ రైటింగ్స్ పనులను ఇన్నాళ్లూ సుక్కూ మిత్రుడు ప్రసాద్‌ చూసుకునేవారు. అయితే ఇటీవల ఆయన అనారోగ్య కారణాల వల్ల కన్నుమూశారు. దీంతో ఆ బాధ్యతలు ఇప్పుడు తబిత చూస్తారట. దర్శకత్వ బాధ్యతలు చూసుకుంటూనే, ప్రొడక్షన్ హౌస్‌ చూడటం అంటే అంత సులభం కాదు. అందులోనూ సుకుమార్ చేసే సినిమాలన్నీ పెద్ద బ్యానర్లు, పెద్ద హీరోలతోనే. అందుకే ప్రొడక్షన్ హౌస్‌ పనులు భార్యకు ఇచ్చేశారట. స్క్రిప్ట్ పనుల నుండి ప్రొడక్షన్ పనుల వరకూ మొత్తం తబిత చేతుల్లోకి వచ్చేసిందట.
ఈ క్రమంలో ఈ బ్యానర్‌లో మరికొన్ని సినిమాలు ప్రకటించే అవకాశం ఉందని తెలుస్తోంది. కేవలం సుకుమార్ శిష్యుల్ని మాత్రమే ఈ బ్యానర్‌లో అవకాశాలు ఇస్తూ వచ్చారు. వాళ్లు కాకుండా ఆసక్తి, టాలెంట్ ఉన్న యువతకు కూడా అవకాశాలిస్తారేమో చూడాలి. మరోవైపు నిర్మాత బాధ్యతల నుండి ఫ్రీ అయిన సుకుమార్ ‘పుష్ప’ పనులు వేగవంతం చేస్తారేమో.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
